༄༅།།ལི་ཁེ་ཆང་གིས་ཏུང་རིགས་གྲོང་ཚོའི་འཚེམ་དྲུབ་མ་ཚོས་མི་རིགས་ཀྱི་མཛེས་པ་དང་ལས་ལ་
བརྩོན་པའི་མཛེས་པ་འཚེམ་དྲུབ་བྱས་ཡོད་ཅེས་བསྟོད་བསྔགས་གནང་བ།

     མི་དམངས་དྲ་བའི་འཕྲིན། སྤྱི་ཟླ་2ཚེས་14ཉིན་ལི་ཁེ་ཆང་གིས་ཀུའེ་ཀྲོའི་ཞིང་ཆེན་ཀྲའོ་ཞིང་མི་རིགས་ལག་ཤེས་བཟོ་རྩལ་ཁང་དུ་སྲོལ་རྒྱུན་ལག་ཤེས་བཟོ་རྩལ་འགྲེམས་སྟོན་དང་ཐོན་ལས་དབུལ་སྐྱོར་ལ་སྣེ་ཁྲིད་བྱས་ཚུལ་རྟོག་ཞིབ་གནང་བ་རེད། ཙུང་ལི་ཡིས་འཚེམ་དྲུབ་མ་ཚོར་ཁྱེད་ཚོས་ཁབ་དང་སྐུད་པ་རེ་རེས་རང་ཉིད་ཀྱི་བདེ་སྐྱིད་འཚོ་བ་འཚེམ་དྲུབ་བྱས་ཤིང་། ཏུང་རིགས་གྲོང་ཚོའི་མཛེས་པ་དང་མི་རིགས་ཀྱི་མཛེས་པ་འཚེམ་དྲུབ་བྱས་ཡོད་ལ། ཁྱོད་ཚོས་ལས་ལ་བརྩོན་པའི་མཛེས་པ་ཡང་འཚེམ་དྲུབ་བྱས་ཡོད། ཁྱོད་ཚོ་རང་ཁྱིམ་གྱི་ཕྱི་ལ་མ་བསྐྱོད་པར་ཁྱིམ་ཚང་ལ་རྒྱུ་ནོར་བསྐྲུན་ཡོད་པས། ཁྱོད་ཚོ་ནི་ཁྱིམ་ཚང་གི་བྱས་རྗེས་ཅན་ཡིན་ལ། ཏུང་རིགས་གྲོང་ཚོའི་རིག་གནས་རྒྱུན་འཛིན་བྱེད་མཁན་གྱི་བྱས་རྗེས་ཅན་ཡང་རེད་ཅེས་གསུངས་པ་རེད། 【1】  【2】  【3】