༄༅།།འདི་ལོ་ལྷ་ས་གྲོང་ཁྱེར་དུ་ལས་ཞུགས་ཐུབ་པའི་མི་གྲངས་༡༥༥༥༠མང་དུ་ཕྱིན་པ།

     མི་དམངས་དྲ་བའི་འཕྲིན། འདི་ལོ་ཚུན་དུ་ལྷ་ས་གྲོང་ཁྱེར་གྱིས་ཞིང་འབྲོག་པའི་ལས་ཞུགས་གཞན་སྒྱུར་དང་། གྲོང་ཁྱེར་དང་གྲོང་རྡལ་གྱི་ཡུལ་མི་ལས་ཞུགས་ཐུབ་རྒྱུ་དེ“ལས་སྒོ་བཞིའི་འདུ་འགོད”ཀྱི་ལས་ཀའི་གཙོ་གནད་ལ་བརྩིས་ནས་དམ་འཛིན་བྱས་པ་དང་། གསོ་སྦྱོང་ལ་བརྟེན་ནས་ལས་ཞུགས་ལ་སྐུལ་འདེད་གཏོང་བ། རྣམ་གྲངས་ལ་བརྟེན་ནས་ལས་ཞུགས་ཐུབ་པར་བྱེད་པ། ལས་གཏོད་ལ་བརྟེན་ནས་ལས་ཞུགས་སྐུལ་ཁྲིད་བྱེད་པ། ལས་གནས་གསར་སྤེལ་ལ་བརྟེན་ནས་ལས་ཞུགས་ལ་རྒྱབ་སྐྱོར་བྱེད་པ་སོགས་ཀྱི་བྱ་ཐབས་སྤྱད་དེ་ལས་ཞུགས་ཐབས་ལམ་རྒྱུན་ཆད་མེད་པར་རྒྱ་ཆེར་བཏང་བ་རེད། མིག་སྔའི་བར་གྲོང་ཁྱེར་ཡོངས་སུ་ལས་ཞུགས་ཐུབ་པའི་མི་གྲངས་༡༥༥༥༠མང་དུ་ཕྱིན་པ་དང་གྲོང་ཁྱེར་ཡོངས་ཀྱི་གསར་སྣོན་ལས་ཞུགས་གཞན་སྒྱུར་ཐད་འབབ་འཕར་སྒོར་དུང་ཕྱུར་༡.༧༤བྱུང་ཞིང་། འདི་ནི་གཙང་ཆོན་ཨ་རག་ཚད་ཡོད་ཀུང་སིར་ལས་ཀ་བྱེད་བཞིན་པའི་སྟོད་ལུང་བདེ་ཆེན་རྫོང་གི་གཞོན་ནུ་ཚོས་སྦང་མ་ཨ་སློག་རྒྱག་པའི་གནས་ཚུལ་ཡིན་པ་རེད།