༄༅།།ཤྭ་བ་སེར་ཆེན་གྱི་གྲངས་འབོར་མགྱོགས་མྱུར་འཕར་བ།

     མི་དམངས་དྲ་བའི་འཕྲིན། དུས་རབས་༢༠པའི་ལོ་རབས་༩༠པའི་ནང་རྒྱལ་སྤྱིའི་ཐོག་སྔ་ས་ནས་རྒྱུད་པ་ཆད་ཟིན་པའི་ཤྭ་བ་སེར་ཆེན་བོད་རང་སྐྱོང་ལྗོངས་ཀྱི་ཁོངས་སུ་སླར་ཡང་འཚོ་གནས་ཐུབ་ཡོད་པ་མ་ཟད། མིག་སྔར་དེའི་རྒྱུད་པ་རྒྱ་ཆེར་འཕེལ་བཞིན་ཡོད་པ་རེད། ངོ་སྤྲོད་ལྟར་ན། བོད་ལྗོངས་ལྷོ་ཁ་ཟངས་རི་རྫོང་རྫིང་ཕྱི་ཤང་གི་ཤྭ་བ་སེར་ཆེན་གྱི་རང་བྱུང་སྲུང་སྐྱོང་ཁུལ་ནང་རྒྱལ་ཁབ་རིམ་པ་གཉིས་པའི་སྲུང་སྐྱོང་སྲོག་ཆགས་ཤྭ་བ་སེར་ཆེན་གྱི་གྲངས་འབོར་དེ་ཐོག་མར་རྙེད་སྐབས་ཀྱི་༡༦༠ལྷག་ཙམ་ནས་མིག་སྔའི་༢༠༠༠ལྷག་ཙམ་བར་འཕར་སྣོན་བྱུང་ཡོད་པ་རེད།