༄༅།།བོད་ལྗོངས་ཀྱི་ལྷན་སྐྱེས་སྙིང་ནད་ཕོག་པའི་བྱིས་པ་༡༥ཧྲང་ཧའེ་གྲོང་ཁྱེར་དུ་རིན་མེད་
སྨན་བཅོས་བྱེད་པར་སླེབས་པ།

    ཟླ་༩ཚེས་༢༥ཉིན་བོད་ལྗོངས་གཞིས་རྩེ་ས་ཁུལ་གྱི་ལྷན་སྐྱེས་སྙིང་ནད་ཕོག་པའི་བྱིས་པ་༡༥ཧྲང་ཧའེ་གྲོང་ཁྱེར་དུ་རིན་མེད་སྨན་བཅོས་བྱེད་པར་སླེབས་ཡོད་ཅིང་། ཉིན་ཤས་རིང་བྱིས་པ་དེ་རྣམས་ཧྥུའུ་ཏན་སློབ་ཆེན་གྱི་ཞོར་གཏོགས་བྱིས་པའི་ཚན་ཁག་སྨན་ཁང་དང་ཧྲང་ཧའེ་འགྲིམ་འགྲུམ་སློབ་ཆེན་གསོ་རིག་སློབ་གླིང་གི་ཁོངས་གཏོགས་ཧྲང་ཧའེ་བྱིས་པའི་གསོ་རིག་ལྟེ་གནས། ཧྲང་ཧའེ་གྲོང་ཁྱེར་བྱིས་པའི་སྨན་ཁང་བཅས་སུ་ཕྱིན་ནས་རིན་མེད་སྨན་བཅོས་དང་ལེན་བྱ་རྒྱུ་ཡིན་པ་རེད། 
     ངོ་སྤྲོད་བྱས་པར་གཞིགས་ན། ལོ་གསུམ་རིང་ཧྲང་ཧའེ་ཡིས་བོད་ལྗོངས་གཞིས་རྩེ་ས་ཁུལ་གྱི་ལྷན་སྐྱེས་སྙིང་ནད་ཕོག་པའི་བྱིས་པ་༦༥ལ་རིན་མེད་སྨན་བཅོས་བྱས་ཡོད་པ་རེད།