༄༅།།རྟ་རྒྱུག་དང་གླུ་ལེན་གར་རྩེད་ཀྱིས་རྒྱང་རིང་གི་སྐུ་མགྲོན་བསུ་བཞིན་ཡོད།

       མི་དམངས་དྲ་བའི་འཕྲིན། ཟླ་8ཚེས་13ཉིན། དུས་ཡུན་ཉིན་6ཡིན་པའི་2018ལོའི་ཛམ་བྷ་ལའི་རྟ་རྒྱུག་གི་རྒྱལ་ཕམ་ཐག་གཅོད་ཀྱི་འགྲན་བསྡུར་འཛམ་ཐང་རྫོང་ན་མདའ་ནོར་བུའི་ཐང་དུ་འགོ་ཚུགས་ཡོད་ཅིང་། འཛམ་ཐང་དང་རྔ་པ། གསེར་རྟ། རྨ་ཆུ། བསང་ཆུ་སོགས་ཉེ་འགྲམ་གྱི་རྫོང་13གྱི་རྟ་པ་280ལྷག་ཙམ་བོད་ཁུལ་གྱི་རྟ་རྒྱུག་སྨི་1000དང་སྨི་2000གི་མྱུར་ཚད་འགྲན་བསྡུར་དང་། སྨི་3000དང་སྨི་5000གི་རྒྱང་ཚད་འགྲན་བསྡུར། སྨི་500ཡི་གཡག་གཤིབ་དང་སྐྱ་རྩལ་འཁྲབ་སྟོན་བཅས་ཡོད།