༄༅།།ཨ་མཆོག་རིན་པོ་ཆེ་སྐུ་ཕྲེང་བཞི་བ་ཚང་གིས་ཟླ་8པར་རྐ་ཁོག་རྫོང་ནས་དབང་གནང་རྒྱུ་ཡིན་པ།

     མི་དམངས་དྲ་བའི་འཕྲིན། ཉེ་སྔོན། གསར་འགོད་པས་ཨ་མཆོག་མཚན་ཉིད་དགོན་གྱི་དགོན་པའི་དམངས་གཙོ་དོ་དམ་ཨུ་ལྷན་ཁང་གི་འགན་ཁུར་བ་འོད་གསལ་ནས་རྒྱུས་ལོན་བྱུང་བ་ལྟར་ན། 2016ལོའི་སྤྱི་ཟླ་8ཚེས་6ཉིན་ནས་ཚེས་8ཉིན་བར་གྱི་ཉིན་གསུམ་རིང་དུ་ཨ་མཆོག་རིན་པོ་ཆེ་སྐུ་ཕྲེང་བཞི་བ་རྗེ་བཙུན་བློ་བཟང་ཐུབ་བསྟན་འཕྲིན་ལས་མཁྱེན་རབ་ཡེ་ཤེས་རྒྱ་མཚོ་དཔལ་བཟང་བོ་མཆོག་གིས་སི་ཁྲོན་རྔ་བ་ཁུལ་རྐ་ཁོག་རྫོང་(红原县)ཨ་མཆོག་ཧུ་ར་མའི་རྟ་ཆེན་རྒོད་མ་ཐང་དུ་དད་ལྡན་མང་ཚོགས་ལ་དཔལ་མོ་ལུགས་ཀྱི་འཕགས་མཆོག་ཐུགས་རྗེ་ཆེ་པོ་བཅུ་གཅིག་ཞལ་གྱི་དབང་དང་སྒྲོལ་དཀར་ཡིད་བཞིན་འཁོར་ལོའི་ཚེ་དབང་གནང་རྒྱུ་ཡིན་པ་རེད། གསར་འགོད་པ་ཀོ་དོ་མཁན་པོ་ནས།