༄༅།།སྨན་གྲོང་ནོར་བུ་སྲི་ཐར་གྱི་ཕྱག་སོར་ལས་འཁྲུངས་པའི་ལྡེབས་རིས་བརྩམས་ཆོས་འགྲེམས་
སྟོན་ལྷ་ས་གྲོང་ཁྱེར་དུ་བྱེད་འགོ་ཚུགས་པ། 

     མི་དམངས་དྲ་བའི་འཕྲིན། ཟླ་7ཚེས་12ཉིན་བོད་ལྗོངས་རྟེན་རྫས་བཤམས་མཛོད་ཁང་དང་ཕོ་བྲང་པོ་ཏ་ལ་དོ་དམ་ཁྲུའུ་གཉིས་ཀྱིས་གཙོ་གཉེར་བྱེད་པ་དང་། བོད་ལྗོངས་ཐང་གའི་སྒྱུ་རྩལ་གླིང་གིས་གཉེར་འགན་འཁུར་བའི་"ངོ་མཚར་པིར་གྱིས་གསོས་པའི་དཔྱིད་ཀ——སྨན་གྲོང་ནོར་བུ་སྲི་ཐར་གྱི་ཕྱག་སོར་ལས་འཁྲུངས་པའི་ལྡེབས་རིས་བརྩམས་ཆོས་འགྲེམས་སྟོན་"དེ་ལྷ་ས་གྲོང་ཁྱེར་དུ་གནས་པའི་བོད་ལྗོངས་རྟེན་རྫས་བཤམས་མཛོད་ཁང་དུ་བྱེད་འགོ་བརྩམས་པ་དང་འགྲེམས་སྟོན་ཟླ་བ་གཅིག་རིང་བྱ་རྒྱུ་རེད། པར་འདི་ནི་ཟླ་7ཚེས་12ཉིན་བོད་ལྗོངས་ཐང་གའི་སྒྱུ་རྩལ་གླིང་གི་འགོ་འཛིན་དང་བོད་ལྗོངས་ཐང་ག་སྨན་གསར་ལུགས་ཀྱི་རྒྱལ་ཁབ་རིམ་པའི་རྒྱུན་འཛིན་པ་ནོར་བུ་སྲི་ཐར་(གཡས་)གྱིས་ཕོ་བྲང་པོ་ཏ་ལར་འདྲ་བཤུས་བརྩམས་ཆོས་འབུལ་བཞིན་པ།