༄༅།།《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་
ཀྱི་དགོངས་པ་སློབ་སྦྱོང་སྐོར་གྱི་དཔྱད་རྩོམ་དཔེ་ཚོཌ》པོད་དང་པོ་ནས་ལྔ་པ་བར་དཔེ་སྐྲུན་
འགྲེམས་སྤེལ་བྱས་པ།

    ཤིན་ཧྭ་གསར་འགྱུར་ཁང་པེ་ཅིང་ནས་ཟླ་12ཚེས་21ཉིན་གློག་འཕྲིན་འབྱོར་གསལ། ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཚད་ལྡན་ཡིག་ཆ་ཞིབ་འཇུག་ཁང་གིས་རྩོམ་སྒྲིག་བྱས་པའི《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་སྐོར་གྱི་དཔྱད་རྩོམ་དཔེ་ཚོགས》ཀྱི་པོད་དང་པོ་ནས་ལྔ་པ་བར་ཉེ་དུས་ཀྲུང་དབྱང་ཚད་ལྡན་ཡིག་ཆ་དཔེ་སྐྲུན་ཁང་གིས་དཔེ་སྐྲུན་བྱས་ནས་རྒྱལ་ཡོངས་སུ་འགྲེམས་སྤེལ་བྱས་པ་རེད།
   ངོ་སྤྲོད་བྱས་པར་གཞིགས་ན། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ཀྲུང་དབྱང་ཏང་གི་ལོ་རྒྱུས་དང་ཚད་ལྡན་ཡིག་ཆ་ཞིབ་འཇུག་ཁང་གིས་ཀྲུང་དབྱང་གིས་སྤྲད་གནང་བའི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་རྩོམ་རྩོམ་སྒྲིག་དཔེ་སྐྲུན་བྱ་རྒྱུའི་ཆབ་སྲིད་ལས་འགན་གལ་ཆེན་ལེགས་སྒྲུབ་ཧུར་ཐག་བྱས་པ་དང་ཆབས་ཅིག་དྲིལ་བསྒྲགས་ངོ་སྤྲོད་ཀྱི་རྩོམ་ཡིག་རབ་དང་རིམ་པ་སྒྲིག་འཛུགས་བྱས་ནས་་བརྩམས་པ་མ་ཟད《མི་དམངས་ཉིན་རེའི་ཚགས་པར》དང《བདེན་འཚོལ》དུས་དེབ་ཐོག་བཀོད་ཡོད། རྩོམ་ཡིག་དེ་དག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལ་དམ་པོར་དམིགས་ཏེ། ལོ་རྒྱུས་དང་དོན་དངོས་དང་རིགས་པའི་གཞུང་ལུགས་དང་ལག་ལེན་ཟུང་འབྲེལ་གྱི་ཟུར་ཚད་ཐོག་ནས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་སྙིང་དོན་གྱི་ངོ་བོ་དང་ཕུན་སུམ་ཚོགས་པའི་ནང་དོན་འཆད་འགྲེལ་བྱས་ཡོད། རྒྱ་ཆེའི་ལས་བྱེད་པ་དང་མང་ཚོགས་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་གཏིང་ཟབ་བྱ་རྒྱུར་རོགས་རམ་བྱ་ཆེད། ཀྲུང་དབྱང་ཏང་གི་ལོ་རྒྱུས་དང་ཚད་ལྡན་ཡིག་ཆ་ཞིབ་འཇུག་ཁང་གིས་རྩོམ་ཡིག་དེ་དག་ཁག་བགོས་ཕྱོགས་སྒྲིག་བྱས་ནས་དཔེ་སྐྲུན་བྱས་ཡོད།
   དེབ་དེའི་པོད་དང་པོ་ནས་ལྔ་པ་བར་ཁྱོན་རྩོམ་ཡིག་33དང་ཡིག་འབྲུ་ཁྲི་30ཙམ་ཡོད། དེབ་འདི་ཕྱོགས་སྒྲིག་བྱེད་སྐབས་རྩོམ་ཡིག་ཁག་གཅིག་གི་ཡིག་འབྲུ་འགའ་ཤས་ལ་དགོས་ངེས་ཀྱི་དག་བཅོས་བྱས་ཡོད།