༄༅།།བོད་ལྗོངས་ལྷུན་རྩེ་རྫོང་གི་མི་རིགས་ལག་ཤེས་བཟོ་རྩལ་ལྷ་སར་འགྲེམས་སྟོན་བྱས་པ།

    ཟླ་8ཚེས་20ཉིན་བོད་ལྗོངས་ལྷུན་རྩེ་རྫོང་གི་མི་རིགས་ལག་ཤེས་བཟོ་རྩལ་ལྷ་སའི་མང་ཚོགས་སྒྱུ་རྩལ་བཤམས་སྟོན་ཁང་དུ་འགྲེམས་སྟོན་བྱས་པ་རེད། འགྲེམས་སྟོན་ཐོག་ཁྱོན་བསྡོམས་བཟོ་རྩལ་ཐོན་རྫས་150ཡོད་པ་དང་། ཐོན་རྫས་ཀྱི་རིགས་17ཡོད་པ་རེད། ལྷུན་རྩེ་རྫོང་ནི་བོད་རང་སྐྱོང་ལྗོངས་ལྷོ་ཁ་ས་ཁུལ་གྱི་ས་མཚམས་སུ་ཆགས་ཡོད་ཅིང་། རྫོང་ཁོངས་སུ་བོད་རིགས་དང་རྒྱ་རིགས། མོན་པ་རིགས་སོགས་མི་རིགས་བཅུ་ལྷག་ཙམ་འདུས་པས། མི་རིགས་སོ་སོའི་ལག་ཤེས་བཟོ་རྩལ་ཧ་ཅང་དར་རྒྱ་ཆེའོ།།