༄༅།།ཡོ་རོབ་གླིང་གི་རྐང་རྩེད་སྤོ་ལོ་ལེགས་སྐྱེས་འགྲན་ཚོགས་ཀྱི་1/4འགྲན་བསྡུར་ནང་ཧྥ་རན་སེ་
རུ་ཁག་གིས་འཁྱགས་གླིང་རུ་ཁག་ཕམ་པར་བྱས་པ།

     མི་དམངས་དྲ་བའི་འཕྲིན། ཟླ་7ཚེས་3ཉིན། ཡོ་རོབ་གླིང་གི་རྐང་རྩེད་སྤོ་ལོ་ལེགས་སྐྱེས་འགྲན་ཚོགས་ཀྱི་1/4འགྲན་བསྡུར་ནང་འཕྲད་པའི་ཧྥ་རན་སེ་རྒྱལ་ཁབ་ཀྱི་རྐང་རྩེད་སྤོ་ལོ་རུ་ཁག་དང་འཁྱགས་གླིང་རྒྱལ་ཁབ་ཀྱི་རྐང་རྩེད་སྤོ་ལོ་རུ་ཁག་གཉིས་ཧྥ་རན་སེ་རྒྱལ་ཁབ་ཀྱི་ཧྥ་ལན་ཞི་ལུས་རྩལ་ར་བ་ནས་འགྲན་བསྡུར་བྱས་པ་རེད། འགྲན་ཚོགས་རྩ་འཛུགས་རྒྱལ་ཁབ་ཧྥ་རན་སེ་རུ་ཁག་གིས་སྤོ་ལོ་བཞི་ཡི་སྐར་མ་བསྟུད་མར་བླངས་པའི་ནུས་ཤུགས་ཀྱིས་འགྲན་ཚོགས་ནང་ངོ་མཚར་གྱི་གྲུབ་འབྲས་ཐེངས་མང་བླངས་པའི་འཁྱགས་གླིང་རྒྱལ་ཁབ་ཀྱི་རྐང་རྩེད་སྤོ་ལོ་རུ་ཁག་བཙན་པོ་དེ་ཕམ་པར་བྱས་པ་དང་། མཐའ་མཇུག་གི་སྐར་འབྲས་5:2ཡི་ཐོག་ནས། ཧྥ་རན་སེ་རྐང་རྩེད་སྤོ་ལོ་རུ་ཁག་རིམ་འཕར་བྱུང་བ་མ་ཟད། ཐེངས་འདིའི་འགྲན་ཚོགས་ནང་འགྲན་བསྡུར་གཅིག་ཏུ་སྐར་འབྲས་ཆེས་མང་པོ་ཐོབ་མཁན་གྱི་རུ་ཁག་ཏུ་གྱུར་བ་རེད། 【1】  【2】  【3】  【4】  【5】  【6】  【7】  【8】  【9】