༄༅།།བོད་ལྗོངས་རྒྱལ་རྩེ་མདའ་དམག་རིག་གནས་ཡུལ་སྐོར་དུས་ཆེན་གཏོང་འགོ་བརྩམས་པ།

     མི་དམངས་དྲ་བའི་འཕྲིན། ཟླ་7ཚེས་28ཉིན་2015ལོའི་བོད་ལྗོངས་རྒྱལ་རྩེ་རྫོང་གི་མདའ་དམག་རིག་གནས་ཡུལ་སྐོར་དུས་ཆེན་གཏོང་འགོ་བརྩམས་ཤིང་། སྐབས་འདིའི་དུས་ཡུན་ཉིན་གསུམ་གྱི་མདའ་དམག་རིག་གནས་ཡུལ་སྐོར་དུས་ཆེན་ནི་“མཛེས་སྡུག་དཔའ་བོའི་མཁར་གྲོང་དུ་ཀྲུང་གོའི་ཕུགས་འདུན་མཉམ་སྐྲུན། མྱང་ཆུ་འགྲམ་དུ་དགའ་འཛོམས་བྱས་ཏེ་མདའ་དམག་བརྩེ་དུང་མཉམ་རོལ།”ཞེས་པ་བརྗོད་བྱ་གཙོ་བོ་བྱས་ནས་མི་རིགས་ཀྱི་ཁྱད་ཆོས་ལྡན་པའི་བྱེད་སྒོ་སྣ་མང་སྤེལ་རྒྱུ་རེད། ལོ་གཅིག་ཐེངས་གཅིག་གི་མདའ་དམག་དུས་ཆེན་ནི་རྒྱལ་རྩེར་དམིགས་བསལ་དུ་ཡོད་པའི་སྲོལ་རྒྱུན་གྱི་དུས་ཆེན་ཞིག་ཡིན་ལ་ད་ལྟའི་བར་དུ་ལོ་ངོ་607གྱི་ལོ་རྒྱུས་ལྡན་པ་རེད།