༄༅།།སྤུས་ཚད་མཐོ་བའི་འཕེལ་རྒྱས་ལ་བརྟེན་ནས་རྣམ་པ་གསར་པ་གཏོད་པ། 

   ད་ལོའི་ཟླ་4པའི་ཟླ་དཀྱིལ་དུ་གསར་འགོད་པས་བཅར་འདྲི་བྱེད་སྐབས་ལས་ཡུལ་དུ་སྔར་བཞིན་ལས་བྲེལ་གྱིས་ཁེངས་ཡོད། ཟླ་གཉིས་ཀྱི་རྗེས་སུ་སླར་ཡང་གནས་དེར་སྐྱོད་སྐབས་བཟོ་གྲྭ་ཞིག་བསྐྲུན་ཟིན་འདུག་ལ། ཟླ་6པའི་ཚེས་29ཉིན་ནུས་རྒྱུ་གསར་པའི་གློག་རྫས་རྒྱུ་ཆའི་རྣམ་གྲངས་དེས་དུས་ཐེངས་དང་པོའི་ཐོན་སྐྱེད་བྱེད་འགོ་ཚུགས་པའི་ཁྱབ་བསྒྲགས་བྱས་པ་རེད། མ་རྩ་སྒོར་དུང་ཕྱུར་100ལྷག་ཙམ་བཏང་བའི་ཁུན་མིང་གྲོང་ཁྱེར་ཨན་ཉིང་བཟོ་ལས་གླིང་གི་ཡུན་ནན་ཡུས་ནེང་རྣམ་གྲངས་དེ་ངོ་འཕྲད་གྲོས་མོལ་ནས་གན་རྒྱ་བཞག་པའི་བར་ཟླ་བ་གཉིས་ཀྱང་འགོར་མེད་ལ། རྣམ་གྲངས་ཀྱི་དུས་ཐེངས་དང་པོ་སྐྲུན་འགོ་ཚུགས་པ་ནས་ཐོན་སྐྱེད་བྱེད་འགོ་ཚུགས་པའི་བར་ཟླ་བ་4ཡང་འགོར་མེད་པ་རེད།