མི་དམངས་དྲ་བ།

༄༅།།ལྷ་སའི་མི་2ལ་ཆད་པ་བཅད་འདུག

གསར་འགྱུར་སྤེལ་དུས། 　【2022ལོའི་ཟླ་ 08ཚེས་17ཉིན། 16:39】（རྩོམ་སྒྲིག་འགན་འཁུར་པ། རྟ་མགྲིན།）

མི་དམངས་དྲ་བའི་འཕྲིན། 2022ལོའི་ཟླ་8ཚེས་12ཉིན་གྱི་ཆུ་ཚོད་12ཙམ་ལ། ལྷ་ས་གྲོང་ཁྱེར་ཁྲེང་ཀོན་ཆུས་སྤྱི་བདེ་ཅུས་གྲྭ་བཞི་མངགས་གཏོང་ཁང་ལ་སྡེ་ཁུལ་གྱི་རིམས་འགོག་ལས་དོན་མི་སྣའི་རོགས་སྐྱོབ་རེ་ཞུ་ཞིག་འབྱོར་བར། སྡེ་ཁུལ་ཞིག་གི་མང་ཚོགས་གཉིས་ཀྱིས་ཁ་ཏ་བསླབ་བྱར་མ་ཉན་པར་ལྕགས་དྲ་ནས་མཆོངས་ཏེ་རང་དགར་ཕྱིར་དོན་སོང་ཞེས་བཤད། རོགས་སྐྱོབ་རེ་ཞུ་འབྱོར་རྗེས། འཕྲལ་མར་ཉེན་རྟོག་པ་སྒྲིག་འཛུགས་བྱས་ནས་གནས་ཚུལ་ཐོན་སར་བསྐྱོད་ཡོད་པ་རེད། བརྟག་དཔྱད་བྱས་ནས་ཤེས་རྟོགས་བྱུང་བར། ཡུས་ཆེ་གེ་མོ་དང་ལི་ཆེ་གེ་མོ་ཕྱིར་དོན་ཟིན་པ་དང་། དེ་རྗེས་གྲྭ་བཞི་མངགས་གཏོང་ཁང་གི་མི་དམངས་ཉེན་རྟོག་པས་མི་དེ་གཉིས་གྲྭ་བཞི་མངགས་གཏོང་ཁང་གི་གྱོད་གཞི་སྒྲུབ་གཉེར་རུ་ཁག་ཏུ་ཁྲིད་ནས་འདྲི་རྩད་བྱས་ཤིང་། སློབ་གསོ་དང་སྐྱོན་བརྗོད་བྱས་པ་དང་འབྲེལ། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་དང་ཆད་གཅོད་བཅའ་ཁྲིམས》ཀྱི་དོན་ཚན་ལྔ་བཅུ་པའི་ནང་གསེས་དང་པོའི་དོན་ཚན་དང་པོའི་གཏན་འབེབས་ལྟར། ཡུས་ཆེ་གེ་མོ་དང་ལི་ཆེ་གེ་མོ་སོ་སོར་དངུལ་ཆད་སྒོར་200བཅད་པ་རེད།