འཚོལ་བཤེར།   
藏文频道
2022ལོའི་ཟླ་8ཚེས་17ཉིན།

༄༅།།རིག་གནས་ཀྱི་གདེང་ཚོད་བརྟན་དུ་བཏང་ནས་རིག་གནས་སྟོབས་ཆེའི་ཞིང་ཆེན་ཕྱོགས་སུ་བསྐྱོད་པ།

གསར་འགྱུར་སྤེལ་དུས།  【2022ལོའི་ཟླ་ 08ཚེས་17ཉིན། 14:08】   (རྩོམ་སྒྲིག་འགན་འཁུར་པ། མཁའ་འགྲོ།)

 
    སི་ཁྲོན་ལ་ལོ་རྒྱུས་ནང་དོན་གཏིང་ཟབ་པ་དང་རིག་གནས་ཤུལ་ལྷག་རྣམ་པར་བཀྲ་བ་ཡོད། ཡོངས་ཁྱབ་ཞིབ་བཤེར་བྱས་པ་ལས་མངོན་པར། སི་ཁྲོན་གྱིས་རིག་གནས་ཐོན་ཁུངས་རིགས་ཆེ་གྲས་དྲུག་གི་སྣ་ཁ་ཁྲི་305.7ལྷག་ཙམ་དང་ཡུལ་སྐོར་ཐོན་ཁུངས་ཁྲི་24.5ལྷག་ཙམ་རྩད་ཆོད་ནས་གྲངས་འབོར་དང་སྤུས་ཚད་གཉིས་ཀ་རྒྱལ་ཡོངས་ཀྱི་ཨང་དང་པོར་སླེབས་ཡོད།
   “ལོ་བཅུ་པོ་དེ་ནི་སི་ཁྲོན་གྱི་རིག་གནས་བྱ་གཞག་མགྱོགས་མྱུར་འཕེལ་རྒྱས་ཕྱིན་པའི་ལོ་བཅུ་ཡིན” སི་ཁྲོན་ཞིང་ཆེན་རིག་གནས་ཡུལ་སྐོར་ཐིང་གི་འབྲེལ་ཡོད་འགན་འཁུར་བས་ངོ་སྤྲོད་བྱས་པར་གཞིགས་ན། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། སི་ཁྲོན་གྱིས་རིག་གནས་སྟོབས་ཆེའི་ཞིང་ཆེན་བསྐྲུན་རྒྱུའི་ཕྱོགས་སུ་གོམ་སྟབས་ཆེན་པོས་མདུན་སྐྱོད་བྱས་ནས་སྤྱི་པའི་རིག་གནས་ཀྱི་སྒྲིག་བཀོད་ཉིན་བཞིན་འཐུས་སྒོ་ཚང་དུ་དང་ཞབས་ཞུའི་ཆུ་ཚད་མཐོ་རུ་བཏང་ནས། རྒྱལ་ཡོངས་ཀྱི་གྲངས་འབོར་མང་ཤོས་དང་ཞབས་ཞུ་བྱེད་རྒྱ་ཆེ་ཤོས་ཀྱི་སྤྱི་པའི་རིག་གནས་ཞབས་ཞུའི་དྲ་རྒྱ་བཏོད་ཡོད།
    རིག་གནས་ཞབས་ཞུའི་ཐད་སི་ཁྲོན་གྱིས“རྫོང་དུ་སྤྱི་པའི་དཔེ་མཛོད་ཁང་དང་རིག་གནས་ཁང་ཡོད་པ་དང་། ཤང་དུ་ཕྱོགས་བསྡུས་རིག་གནས་ས་ཚིགས་ཡོད་པའི”འཛུགས་སྐྲུན་དམིགས་ཚད་མངོན་འགྱུར་བྱུང་ཞིང་། 2021ལོའི་ལོ་མཇུག་བར། ཞིང་ཆེན་ཡོངས་སུ་ཁྱོན་དངོས་མང་བཤམས་མཛོད་ཁང་263དང་། སྤྱི་པའི་དཔེ་མཛོད་ཁང་207 རིག་གནས་ཁང་206བཅས་ཡོད་པ་རེད།
   རིག་གནས་ཤུལ་བཞག་སྲུང་སྐྱོང་ཐད་སི་ཁྲོན་ལ་གྲུབ་འབྲས་མངོན་གསལ་དོད་པོ་ཐོབ་ཅིང་། 2021ལོའི་ལོ་མཇུག་བར། ཞིང་ཆེན་ཡོངས་སུ་འཛམ་གླིང་རིག་གནས་ཤུལ་བཞག་ཁང་1དང་། འཛམ་གླིང་རིག་གནས་དང་རང་བྱུང་ཤུལ་བཞག་ཁང་1 ཀྲུང་གོའི་སྲོལ་རྒྱུན་གྲོང་སྡེའི་མིང་གཞུང་ནང་ཚུད་པའི་སྲོལ་རྒྱུན་གྲོང་ཚོ་333 རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མིང་གཞུང་ནང་ཚུད་པའི་རྣམ་གྲངས་153བཅས་ཡོད་པ་རེད།
    རིག་གནས་ཀྱི་འཇམ་ཤུགས་རྒྱུན་ཆད་མེད་པར་ཆེ་རུ་ཕྱིན་ཡོད། 2021ལོར་སི་ཁྲོན་ཞིང་ཆེན་ཡོངས་ཀྱི་ལྟེ་བའི་རིག་གནས་ཐོན་རྫས་ཕྱིར་གཏོང་བསྡོམས་འབོར་ཨ་སྒོར་དུང་ཕྱུར་14ཟིན་ནས་ལོ་གོང་མ་ལས་97.6%འཕར་ཡོད། ལོ་ངོ་སྟོང་རིང་རྒྱུན་འཛིན་བྱས་པའི་པཱ་ཧྲུའུ་རིག་གནས་དེ་རྒྱལ་ཡོངས་སུ་སྐད་གྲགས་ཆོད་པ་མ་ཟད། དཔའ་ངར་ཆེར་བསྐྱེད་དང་གདེང་ཚོད་ཡོད་པའི་ངང་ནས་འཛམ་གླིང་ཡོངས་ལའང་ཁྱབ་ཡོད།