༄༅།།པེ་ཏེན་གྱིས་མེ་མདའ་འགོག་ཐབས་མང་པོ་ཁྱབ་བསྒྲགས་བྱས།

   མི་དམངས་དྲ་བའི་འཕྲིན། ཨ་རིའི་ཙུང་ཐུང་པེ་ཏེན་གྱིས་ཚེས་8ཉིན་སྲིད་འཛིན་བྱེད་ཐབས་རབ་དང་རིམ་པ་ཁྱབ་བསྒྲགས་བྱས་ཤིང་། མེ་མདའ་དོ་དམ་བྱེད་ཤུགས་ཆེ་རུ་གཏོང་བར་བརྒྱུད་མེ་མདའི་དྲག་ཤུགས་ཇེ་ཉུང་དུ་གཏོང་རྒྱུ་ཡིན་པ་རེད། པེ་ཏེན་གྱིས་ཉིན་དེར་ཕོ་བྲང་དཀར་པོའི་རྒྱ་སེ་མེ་ཏོག་ར་བ་ནས་གཏམ་བཤད་སྤེལ་དོན། ཨ་རིའི་མེ་མདའི་དྲག་ཤུགས་ཀྱིས་ཉིན་རྟག་པར་སྲོག་གཅོད་བཞིན་ཡོད་པས། སྡེ་ཁུལ་ལ་ཡུན་རིང་བའི་རྨ་ཁ་བཟོས་ཡོད། “ཨ་རིའི་མེ་མདའི་དྲག་ཤུགས་ནི་ནད་ཡམས་ཤིག་ལྟར་རྒྱལ་སྤྱིའི་ཐོག་ཁ་སྐྱེངས་དགོས་པའི་ཚུལ་དུ་གནས་ཡོད”ཅེས་བཤད། འདི་ནི་ཟླ་4ཚེས་8ཉིན། རྒྱལ་ས་ཝ་ཧྲིན་ཐོན་ནས་པར་བླངས་པའི་ཕོ་བྲང་དཀར་པོ་ཡིན།