༄༅༎ཟླ་5ཚེས་6ཉིན་གྱི་ཆུ་ཚོད་ཀླད་ཀོར་ནས་བཟུང་རྒྱལ་ཡོངས་ཀྱི་རིན་བསྡུའི་གཞུང་ལམ་གྱི་རིན་བསྡུ་སླར་གསོ་བྱས་པ།

     ཟླ་5ཚེས་6ཉིན་ཀུའེ་ཀྲོའུ་ཞིང་ཆེན་ཐུང་རེན་གྲོང་ཁྱེར་ཡུས་ཕིང་ཏུང་རིགས་རང་སྐྱོང་རྫོང་གི་ཧྲང་ཧའེ་ནས་ཁུན་མིང་བར་གྱི་མྱུར་བགྲོད་གཞུང་ལམ་ཡུས་ཕིང་རིན་བསྡུའི་ས་ཚིགས་ཀྱི་རིན་བསྡུ་མི་སྣས་འགྲོ་འོང་བྱེད་མཁན་རླངས་འཁོར་གྱི་ལམ་རིན་བསྡུ་བཞིན་ཡོད་པ། 
     མི་དམངས་དྲ་བའི་འཕྲིན། འགྲིམ་འགྲུལ་སྐྱེལ་འདྲེན་པུས་ཟླ་4ཚེས་28ཉིན་རིན་བསྡུའི་གཞུང་ལམ་གྱི་རིན་བསྡུ་སླར་གསོ་བྱ་རྒྱུའི་སྐོར་གྱི་སྤྱི་བསྒྲགས་སྤེལ་བ་དང་། རྒྱལ་སྲིད་སྤྱི་ཁྱབ་ཁང་གི་མོས་མཐུན་ཐོབ་པ་བརྒྱུད་2020ལོའི་ཟླ་5ཚེས་6ཉིན་གྱི་མཚན་མོའི་ཆུ་ཚོད་ཀླད་ཀོར་ནས་བཟུང་ཁྲིམས་ལྟར་ཆོག་མཆན་ཐོབ་པའི་རིན་བསྡུའི་གཞུང་ལམ་(རིན་བསྡུའི་ཟམ་པ་དང་ཕུག་ལམ་ཚུད)གྱི་རིན་བསྡུ་སླར་གསོ་བྱས་པ་རེད།