༄༅།།རོ་མ་ནི་ཡའི་ཙུང་ཐུང་འདེམས་བསྐོ་ཆེན་མོ་འགོ་ཚུགས་པ།

    མི་དམངས་དྲ་བའི་འཕྲིན། ཟླ་11ཚེས་10ཉིན། རོ་མ་ནི་ཡའི་ཙུང་ཐུང་འདེམས་བསྐོའི་ཐེངས་དང་པོའི་འདེམས་ཤོག་འཕེན་པ་དེ་ས་གནས་དེ་གའི་དུས་ཚོད་ཚེས་10ཉིན་གྱི་ཆུ་ཚོད་7པར་འགོ་བཙུགས་པ་དང་། རྒྱལ་ཡོངས་ཀྱི་ཐོ་འགོད་འདེམས་དམངས་ཁྲི་1821.7གྱིས་འདེམས་ཤོག་འཕེན་ནས་སྐབས་གསར་པའི་ཙུང་ཐུང་འདེམས་བསྐོ་བྱ་རྒྱུ་རེད། ད་ལོ་བདམ་བྱའི་འོས་མི་ཁྱོན་14ཙུང་ཐུང་འདེམས་བསྐོའི་ནང་ཞུགས་རྒྱུ་ཡིན་ཞིང་། དམངས་ཚོགས་ཁྲོད་རྟོག་ཞིབ་བྱས་པ་ལས་མངོན་གསལ། འདེམས་བསྐོ་བྱས་ནས་ལས་འགན་རྒྱུན་འཛིན་བྱེད་མཁན་ད་ལྟའི་ཙུང་ཐུང་གཡོད་ཧན་ཉི་སིར་དམངས་ཀྱི་རྒྱབ་སྐྱོར་ཐོབ་ཚད་བདམ་བྱའི་འོས་མི་གཞན་ལས་ཧ་ཅང་གིས་མཐོ་བ་ཡོད།