༄༅།།བོད་ལྗོངས་ཀྱི་རིམ་ལྡན་ལྷ་འབྲི་བ་དགེ་རྒན་147ཡོད་པ།
གསར་འགྱུར་སྤེལ་དུས། 【2019ལོའི་ཟླ་ 10ཚེས་31ཉིན། 13:10】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཟླ་10ཚེས་30ཉིན། ཉིན་དེར། བོད་ལྗོངས་ཀྱི་ཐང་གའི་སྒྱུ་རྩལ་འགྲེམས་སྟོན་སྐབས་དགུ་པ་ལྷ་སར་མཇུག་སྒྲིལ་བ་རེད། ཐེངས་འདིའི་བྱེད་སྒོའི་ནང་རིམ་ལྡན་ལྷ་འབྲི་བ་དགེ་རྒན་42ཐོན་ཞིང་། དེ་ནི་སྐབས་རིམ་བྱུང་གི་རིམ་ལྡན་ལྷ་འབྲི་བ་དགེ་རྒན་དཔྱད་བསྡུར་གཏན་འབེབས་བྱེད་མང་ཤོས་ཀྱི་གྲས་ཤིག་རེད། མིག་སྔའི་བར། བོད་ལྗོངས་ཀྱི་རིམ་ལྡན་ལྷ་འབྲི་བ་དགེ་རྒན་147ཡོད།