༄༅༎རེས་སྐོར་བདུན་པའི་ཀྲུང་ཨའི་དཔལ་འབྱོར་ཚོང་དོན་གྱི་རིམ་མཐོའི་གྲོས་མོལ་ཝ་ཧྲིང་ཐོན་དུ་འགོ་ཚུགས་པ།

     མི་དམངས་དྲ་བའི་འཕྲིན། ས་གནས་དེ་གའི་དུས་ཚོད་ཟླ་2ཚེས་21ཉིན་གྱི་སྔ་དྲོར། ཀྲུའུ་ཞི་ཞི་ཅིན་ཕིང་གི་དམིགས་བསལ་ཕོ་ཉ། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ། ཀྲུང་ཨའི་ཕྱོགས་ཡོངས་ཀྱི་དཔལ་འབྱོར་གྲོས་མོལ་གྱི་ཀྲུང་གོ་ཕྱོགས་ཀྱི་སྣེ་འདྲེན་པ་ལིའུ་ཧོ་དང་ཨ་རིའི་ཚོང་དོན་སྐུ་ཚབ་ལའེ་ཐེ་ཤིས་ཙེ། ནོར་སྲིད་པུའུ་ཀྲང་མུའུ་ནུའུ་ཆན་བཅས་ཀྱིས་ཨ་རིའི་ཕོ་བྲང་དཀར་པོའི་ཨེ་སིན་ཧོ་ཝེར་སྲིད་འཛིན་གཞུང་ལས་ཁང་དུ་མཉམ་དུ་རེས་སྐོར་བདུན་པའི་ཀྲུང་ཨའི་དཔལ་འབྱོར་ཚོང་དོན་གྱི་རིམ་མཐོའི་གྲོས་མོལ་གྱི་འགོ་ཚུགས་མཛད་སྒོ་གཙོ་སྐྱོང་བྱས་པ་རེད་། རེས་སྐོར་འདིའི་གྲོས་མོལ་ཚེས་21ནས་ཚེས་22ཉིན་བར་ཝ་ཧྲིང་ཐོན་དུ་འཚོགས་རྒྱུ་ཡིན་ལ། ཕྱོགས་གཉིས་པོའི་ཚོགས་པས་ཚེས་19ཉིན་ནས་ལས་དོན་རིམ་པའི་གྲོས་མོལ་བྱས་ཟིན་པ་རེད།
     ཕྱོགས་གཉིས་པོའི་འགོ་ཚུགས་མཛད་སྒོར་ཞུགས་མཁན་གྲས་སུ་ཀྲུང་གོ་མི་དམངས་དངུལ་ཁང་གི་ཧང་ཀྲང་དབྱི་ཀང་དང་། ཨ་རིར་བཅའ་སྡོད་ཀྲུང་གོའི་གཞུང་ཚབ་ཆེན་མོ་བ་ཚོའེ་ཐེན་ཁེ། ཀྲུང་དབྱང་ནོར་དཔལ་གཞུང་ལས་ཁང་གི་ཀྲུའུ་རེན་གཞོན་པ། ནོར་སྲིད་པུའི་པུའུ་ཀྲང་གཞོན་པ་ལིའོ་མའེ། ཕྱི་འབྲེལ་པུའི་པུའུ་ཀྲང་གཞོན་པ་ཀྲེན་ཙེ་ཀོང་། ཞིང་ལས་དང་གྲོང་གསེབ་པུའི་པུའུ་ཀྲང་གཞོན་པ་ཧན་ཅུན། ཚོང་དོན་པུའི་པུའུ་ཀྲང་གཞོན་པ་དང་རྒྱལ་སྤྱིའི་ཚོང་དོན་གྲོས་མོལ་གྱི་འཐུས་ཚབ་གཞོན་པ་གཅིག་ལྕོགས་ཝང་ཧྲོའུ་ཝུན། རྒྱལ་ཁབ་འཕེལ་རྒྱས་དང་བསྒྱུར་བཅོས་ཨུ་ཡོན་ལྷན་ཁང་གི་དྲུང་ཆེ་ཚུའུ་ལེང་། ཨ་རིའི་ཚོང་དོན་པུའུ་ཀྲང་ལོ་སི། ཕོ་བྲང་དཀར་པོའི་རྒྱལ་ཁབ་དཔལ་འབྱོར་ཨུ་ཡོན་ལྷན་ཁང་གི་ཀྲུའུ་རེན་ཁོ་ཏེ་ལོ། ཙུང་ཐུང་གི་ཚོང་དོན་དང་བཟོ་སྐྲུན་ལས་རིགས་སྲིད་ཇུས་ཀྱི་ལས་ཚབ། ཕོ་བྲང་དཀར་པོའི་རྒྱལ་ཁབ་ཚོང་དོན་ཨུ་ཡོན་ལྷན་ཁང་གི་ཀྲུའུ་རེན་ན་ཝ་ལོ།  ཀྲུང་གོར་བཅའ་སྡོད་ཨ་རིའི་གཞུང་ཚབ་ཆེན་མོ་བ་པུ་ལན་སི་ཐ་ཏེ།   ཚོང་དོན་འཐུས་ཚབ་གཞོན་པ་ཁེ་ལི་ཧྲི། ཚོང་དོན་པུའི་པུའུ་ཀྲང་གཞོན་པ་ཁ་ཕུ་ལན།   ཚོན་དོན་འཐུས་མིའི་གཞུང་ལས་ཁང་གི་ཞིང་ལས་ཐད་ཀྱི་དབུ་བཞུགས་གྲོས་མོལ་འཐུས་མི་ཏོའོ་ཏེ། ཞིང་ལས་པུའི་པུའུ་ཀྲང་གཞོན་པ་མའེ་ཅིན་ཉི་སོགས་ཡོད་པ་རེད།