མི་དམངས་དྲ་བ།

༄༅།།གཡུ་ཡི་རི་བོང་རྟགས་ཅན་གཉིས་པ་བདེ་བླག་ངང་ཟླ་བའི་གོ་ལའི་རྒྱབ་ཏུ་འབྱོར།

གསར་འགྱུར་སྤེལ་དུས། 　【2019ལོའི་ཟླ་ 01ཚེས་04ཉིན། 14:47】（རྩོམ་སྒྲིག་འགན་འཁུར་པ། ཚེ་རིང་།）

མི་དམངས་དྲ་བའི་འཕྲིན། ཟླ་1ཚེས་3ཉིན་གྱི་དགོང་མོར། ཟླ་བའི་ལྷ་མོ་རྟགས་ཅན་བཞི་བའི་ས་འབབ་འཕྲུལ་ཆས་དང་སྐོར་ཞིབ་འཕྲུལ་ཆས་གཉིས་བདེ་བླག་ངང་སོ་སོར་གྱེས་པ་དང་། གཡུ་ཡི་རི་བོང་རྟགས་ཅན་གཉིས་པའི་སྐོར་ཞིབ་འཕྲུལ་ཆས་(ཟླ་བའི་རླངས་འཁོར)བདེ་བླག་ངང་ཟླ་བའི་གོ་ལའི་རྒྱབ་ཏུ་འབྱོར་ཡོད། ས་འབབ་འཕྲུལ་ཆས་སྟེང་གི་པར་ཆས་ཀྱིས་གཡུ་ཡི་རི་བོང་རྟགས་ཅན་གཉིས་པས་ཟླ་བའི་གོ་ལའི་རྒྱབ་ཏུ་དོད་པའི་རྗེས་ཤུལ་ཐོག་མ་པར་བླངས་ཏེ། “ཆའེ་ཆའོ”བར་མཐུད་འཁོར་སྐར་བརྒྱུད་ནས་ཕྱིར་ས་ངོས་ལ་བསྐུར་ཡོད།