༄༅།།བོད་ལྗོངས་སློབ་ཆེན་ཀྱི་དུས་ཐེངས་བཞི་པའི་ཐང་གའི་མངོན་མིན་རིག་གནས་ཤུལ་བཞག་གི་རྒྱུན་འཛིན་པའི་ཟབ་སྦྱོང་འཛིན་གྲྭ་སློབ་མཇུག་སྒྲིལ་བ།

       མི་དམངས་དྲ་བའི་འཕྲིན། ཟླ་12ཚེས་5ཉིན་གྱི་སྔ་དྲོ། བོད་ལྗོངས་སློབ་ཆེན་ཀྱི་སྐབས་བཞི་པའི་ཐང་གའི་མངོན་མིན་རིག་གནས་ཤུལ་བཞག་གི་རྒྱུན་འཛིན་པའི་ཟབ་སྦྱོང་འཛིན་གྲྭ་སློབ་མཇུག་སྒྲིལ་བའི་མཛད་སྒོ་ལྷ་སར་འཚོག་པ་རེད། དུས་ཡུན་ཟླ་གཅིག་གི་ཟབ་སྦྱོང་བྱས་པ་བརྒྱུད་ཟབ་སྦྱོང་སློབ་མ་54ཡི་རི་མོ་འབྲི་རྩལ་ལ་ཡར་རྒྱས་ཆེན་པོ་བྱུང་ཡོད་པ་མ་ཟད། རིག་གཞུང་གི་བྱང་ཚད་ཐད་ལའང་ཡར་རྒྱས་བྱུང་ནས། གཅིག་ནས་མཐོང་རྒྱ་ཆེ་རུ་ཕྱིན་པ་དང་གཉིས་ནས་བསམ་བློའི་འཁྱེར་སོ་ཡངས་སུ་ཕྱིན་ནས་སྔོན་དཔག་གི་སྒྲུབ་འབྲས་ལྟར་བྱུང་ཡོད།