༄༅།།མཚོ་སྔོན་གཙང་གསུམ་འབྱུང་ཁུངས་སུ་སྤྱང་ནག་ཡོད་པའི་ཟིན་ཐོ་ཐོག་མ་བྱུང་། རིགས་གཅིག་མཁས་པས་ཀྲུང་གོ་
ནས་མཐོང་དཀོན་པོ་ཡོད་པར་བརྗོད།

     མི་དམངས་དྲ་བའི་འཕྲིན། ཉེ་ཆར། འཛམ་གླིང་རང་བྱུང་ཐེབས་རྩ་ཚོགས་པས་གཙང་གསུམ་འབྱུང་ཁུངས་ཀྱི་རྒྱལ་ཁབ་སྤྱི་གླིང་རྨ་ཆུའི་འགོ་ཁུངས་ཁུལ་དུ་ཆུ་བྱའི་རིགས་ལ་རྟོག་ཞིབ་བྱེད་དུས། མཐོང་དཀོན་པའི་མོ་སྤྱང་ནག་པོ་ཞིག་བརྙན་དུ་ཐེབས་ཡོད། འབྲེལ་ཡོད་རིགས་གཅིག་མཁས་པ་ལྟར་ན་འདི་ནི་ཀྲུང་གོ་ནས་ཐོག་མར་ཟིན་ཐོར་བཀོད་པའི་སྤྱང་ཀི་ནག་པོ་ཡིན་པ་དང་། དུས་མཉམ་དུ་ཀྲུང་གོའི་རི་སྐྱེས་སྲོག་ཆགས་ནང་སྤྱང་ཀི་ནག་པོ་ཡོད་པའང་ར་འཕྲོད་ཡོད་པས་དངོས་གནས་མཐོང་དཀོན་པོ་རེད་ཅེས་ཟེར།