༄༅།།དུས་རབས་དང་བསྟུན་ནས་སློབ་གསོར་འདུ་ཤེས་ཡང་དག་པ་འཆང་དགོས།

          ད་ལོ་ནི་སྒྱུར་བཅོས་སྒོ་འབྱེད་བྱས་ནས་ལོ་ངོ་40འཁོར་བའི་སྐལ་བཟང་གི་དུས་ཤིག་ཡིན་ཞིང་། འདས་ཟིན་པའི་ལོ་ངོ་40རིང་བོད་ཀྱི་རིག་གནས་དང་སློབ་གསོ། གསོ་རིག དཔལ་འབྱོར་སོགས་ཀྱི་ཐད་ལ་གནམ་ས་བླ་འོག་ལྟ་བུའི་འགྱུར་ལྡོག་བྱུང་ཡོད་པས། མི་དམངས་དྲ་བའི་གསར་འགོད་པས་གོ་སྐབས་འདི་དང་བསྟུན་ནས་བོད་ལྗོངས་གཞིས་རྩེར་བཅར་འདྲིར་བསྐྱོད་པ་ཡིན།  
            ཕུར་བུ་དར་རྒྱས་ལགས་ནི་སྒྱུར་བཅོས་སྒོ་འབྱེད་བྱས་ཚུན་འཚར་ལོངས་བྱུང་བའི་བོད་ཀྱི་གཞི་རིམ་སློབ་གསོའི་ལས་སྒྲུབ་པ་ཞིག་ཡིན་ཞིང་། སྔ་རྗེས་སུ་བོད་ལྗོངས་གཞིས་རྩེ་གྲོང་ཁྱེར་དགེ་འོས་སློབ་གྲྭ་དང་བོད་ལྗོངས་སློབ་ཆེན་སོགས་འགྲིམ་མྱོང་ཡོད་ཅིང་། 2001ལོར་སློབ་གསོའི་བྱ་བར་ཞུགས་པ་དང་། ད་ལྟ་བོད་ལྗོངས་གཞིས་རྩེ་གྲོང་ཁྱེར་སློབ་གསོ་ཅུས་སློབ་གསོ་ཚན་རིག་ཞིབ་འཇུག་ཁང་གི་བོད་སྐད་ཡིག་གི་སློབ་དཔྱོད་པ་དང་། 《གཞིས་རྩེའི་སློབ་གསོ》བོད་ཡིག་དཔར་མའི་དུས་དེབ་ཀྱི་གཙོ་སྒྲིག་པ། བོད་རང་སྐྱོང་ལྗོངས་རིམ་པའི་དགེ་རྒན་གཟབ་སྦྱོང་གི་རིགས་གཅིག་མཁས་དབང་གི་ཁོངས་མི། བོད་ལྗོངས་རྩོམ་པ་པོའི་མཐུན་ཚོགས་ཀྱི་ཚོགས་མི། གཞིས་རྩེ་གྲོང་ཁྱེར་རིག་རྩལ་ལྷན་ཚོགས་ཀྱི་ཨུ་ཡོན་སོགས་ཀྱི་འགན་བཞེས་བཞིན་ཡོད། 【1】  【2】  【3】  【4】  【5】  【6】  【7】