༄༅།།ཨན་ཧུའེ་རུ་བོད་ལྗོངས་ལྷོ་ཁའི་རིག་དངོས་འགྲེམས་སྟོན་བྱས་པ།

     མི་དམངས་དྲ་བའི་འཕྲིན། ཟླ་9ཚེས་3ཉིན། 2018ལོའི་ཀྲུང་གོའི་བོད་ལྗོངས་ཡར་ཀླུང་རིག་གནས་དུས་ཆེན་ཏེ་ལྷོ་ཁའི་རིག་དངོས་འགྲེམས་སྟོན་ཨན་ཧུའེ་ཧོ་ཧྥེ་རུ་འགོ་ཚུགས་ཤིང་། འགྲེམས་སྟོན་འདི་ནི་2018ལོའི་ཀྲུང་གོའི་བོད་ལྗོངས་ཡར་ཀླུང་རིག་གནས་དུས་ཆེན་གྱི་སྒྲིག་འཛུགས་ཨུ་ཡོན་ལྷན་ཁང་གིས་གཙོ་གཉེར་བྱས་པ་དང། ཨན་ཧུའེ་དངོས་མང་བཤམས་སྟོན་ཁང་དང་། ལྷོ་ཁ་གྲོང་ཁྱེར་དངོས་མང་བཤམས་སྟོན་ཁང་གིས་གཉེར་འགན་འཁུར་ཡོད།
    ཤེས་རྟོགས་བྱུང་བ་ལྟར་ན། ཐེངས་འདིའི་འགྲེམས་སྟོན་ནི་2018ལོའི་ཀྲུང་གོའི་བོད་ལྗོངས་ཡར་ཀླུང་རིག་གནས་དུས་ཆེན་གྱི་གྲས་ཞིག་ཡིན་པ་དང་། འགྲེམས་སྟོན་དེ་ཟླ་10ཚེས་7ཉིན་བར་བྱ་རྒྱུ་རེད།  འགྲེམས་སྟོན་དེ་ཕུད་ད་དུང་ཨན་ཧུའེ་རུ་ལྷོ་ཁ་གྲོང་ཁྱེར་གྱི་སྒྱུར་བཅོས་སྒོ་དབྱེ་བྱས་ནས་ལོ་ངོ་40རིང་གི་གྲུབ་འབྲས་འགྲེམས་སྟོན་དང་། ལྷོ་ཁ་གྲོང་ཁྱེར་གྱི་མི་རིགས་ལག་ཤེས་བཟོ་ལས་ཀྱི་ཁྱད་ཆོས་ལྡན་པའི་ཐོན་རྫས་འགྲེམ་སྟོན་སོགས་ཀྱི་བྱེད་སྒོ་སྤེལ་རྒྱུ་རེད་འདུག