༄༅།།དང་བླངས་པས་ཀྲུང་ཧྥེ་མཉམ་ལས་གླེང་སྟེགས་པེ་ཅིང་དབུ་ཚོགས་ལ་ཞབས་ཞུ་བྱས་པ།

     མི་དམངས་དྲ་བའི་འཕྲིན། ཟླ་9ཚེས་3ཉིན། 2018ལོའི་ཀྲུང་ཧྥེ་མཉམ་ལས་གླེང་སྟེགས་པེ་ཅིང་དབུ་ཚོགས་རིང་། དང་བླངས་པ་ཁྱོན་2500ལྷག་ཞབས་ཞུའི་ལས་ལ་ཞུགས་ཡོད་ཅིང་། གཙོ་བོ་པེ་ཅིང་སློབ་ཆེན་དང་།  ཆིང་ཧྭ་སློབ་ཆེན། མི་དམངས་སློབ་ཆེན། པེ་ཅིང་དགེ་འོས་སློབ་ཆེན་སོགས་མཐོ་སློབ་32ནས་ཡོང་བའི་སློབ་གྲྭ་ཆེན་མོ་བ་ཡིན་ཞིང་། དང་བླངས་པ་ཚོའི་ལས་ཀ་གཙོ་བོ་ནི་གྲོས་ཚོགས་ཀྱི་ཚོགས་རའི་ཞབས་ཞུ་དང་། ཕྱི་རྒྱལ་གྱི་སྐུ་མགྲོན་ལ་སྣེ་ལེན། ཐོ་འགོད་ལྟེ་གནས། གསར་འགྱུར་ལྟེ་གནས། གནམ་ཐང་དུ་སྣེ་ལེན། འགྲིམ་འགྲུལ་འགན་སྲུང་སོགས་ཡིན་པ་རེད།