༄༅།།ཀྲུང་གོའི་ཁྱིམ་སྤྱོད་གློག་ཆས་ཀྱི་གསར་གཏོད་གྲུབ་འབྲས་པེར་ལིན་རྒྱལ་སྤྱིའི་འཛད་སྤྱོད་གློག་རྡུལ་འགྲེམས་སྟོན་ཐོག་སྟོན་པ། 

      མི་དམངས་དྲ་བའི་འཕྲིན། ཟླ་8ཚེས་31ཉིན་པེར་ལིན་རྒྱལ་སྤྱིའི་འཛད་སྤྱོད་གློག་རྡུལ་འགྲེམས་སྟོན་སྐབས་ང་བརྒྱད་པ་ཚོགས་འགོ་ཚུགས་པར་ཁྱོན་གོ་ལ་ཧྲིལ་པོའི་ཁེ་ལས་1814ཞུགས་པའི་ནང་ཀྲུང་གོའི་ཁེ་ལས་700ཙམ་ཡོད་པ་རེད། ཉིན་དེར་འཚོགས་པའི་ཀྲུང་གོའི་ཁྱིམ་སྤྱོད་གློག་ཆས་ཀྱི་གསར་གཏོད་གྲུབ་འབྲས་འོས་སྦྱོར་བྱེད་སྒོ་སྐབས་བཅུ་བཞི་པའི་ཐོག་ཀེ་ལི་དང་། མེ་ཏི། ཧའེ་ཤིན། TCLསོགས་གྲགས་ཅན་སྤུས་རྟགས་ཁག་གིས་ཐོན་རྫས་དང་ལག་རྩལ་གསར་ཤོས་འགྲེམས་སྟོན་བྱས་ནས་གོ་ལ་ཧྲིལ་པོར་ཁྱབ་སྤེལ་བྱས་པ་རེད།