༄༅།།དྲག་ཆར་འབབ་པའི་ཉེན་བརྡ་བཏང་འདུག 

     ཀྲུང་དབྱང་གནམ་གཤིས་ལས་ཁུངས་ཀྱིས་ཟླ་5ཚེས་20ཉིན་གྱི་ཆུ་ཚོད་06པའི་ཐོག་དྲག་ཆར་འབབ་པའི་ཉེན་བརྡ་སེར་པོ་མུ་མཐུད་བཏང་སྟེ།
     སྔོན་དཔག་བྱས་ན། ཟླ་5ཚེས་20ཉིན་གྱི་ཆུ་ཚོད་8པ་ནས་ཚེས་21ཉིན་གྱི་ཆུ་ཚོད་8པའི་བར། ཀོང་ཏུང་གི་དབུས་ཤར་རྒྱུད་དང་། ཧྥུ་ཅན་གྱི་ཤར་རྒྱུད། ཧའེ་ནན་གླིང་ཕྲན་གྱི་དབུས་ཤར་རྒྱུད་སོགས་ས་ཁུལ་ཁ་ཤས་སུ་ཆར་ཆེན་ནས་དྲག་ཆར་འབབ་རྒྱུ་ཡིན་པ་དང་། དེའི་ནང་ཀོང་ཏུང་ལྷོ་རྒྱུད་མཚོ་རྒྱུད་དང་ཧྥུ་ཅན་གྱི་ཤར་ལྷོའི་རྒྱུད་སོགས་ས་ཁུལ་ཁ་ཤས་སུ་དྲག་ཆར་འབབ་རྒྱུ་རེད། (ཧའོ་སྨི་100ནས་150བར།) གོང་གི་ས་ཁུལ་ཁ་ཤས་སུ་དུས་ཐུང་ནང་དྲག་ཆར་འབབ་རྒྱུ་རེད། (དུས་ཚོད་རེར་ཆར་ཆུ་འབབ་ཚད་ཆེ་ཤོས་ཧའོ་སྨི་20~50ཡོད་པ་དང་། ས་ཁུལ་ཁག་ཅིག་ཏུ་ཧའོ་སྨི་60ལས་བརྒལ་སྲིད།) ས་ཁུལ་ཁག་ཅིག་ཏུ་འབྲུག་གྲགས་པ་དང་རླུང་ཆེན་ལྡང་བ་སོགས་གཏད་རྒྱུག་གནམ་གཤིས་དྲག་པོ་ཡོད།
     འགོག་སྲུང་ཕྱོགས་སྟོན།
     1.སྲིད་གཞུང་དང་འབྲེལ་ཡོད་སྡེ་ཁག་གིས་འགན་འཁྲི་གཞིར་བཟུང་དྲག་ཆར་འགོག་པའི་གྲ་སྒྲིག་ལས་དོན་ཡག་པོ་སྒྲུབ་དགོས། 
     2.འགྲིམ་འགྲུལ་དོ་དམ་སྡེ་ཁག་གིས་ལམ་གྱི་གནས་ཚུལ་ལ་གཞིགས་ནས། ཆར་པ་དྲག་པོ་བབས་པའི་ལམ་དུ་འགྲིམ་འགྲུལ་དོ་དམ་བྱེད་ཐབས་སྤྱོད་དགོས་པ་དང་། ཆུ་བསགས་པའི་ལམ་དུ་འགྲིམ་འགྲུལ་ལ་ཁྲིད་སྟོན་བྱེད་དགོས། 
     3.དམའ་སའི་ཉེན་ཁ་ཡོད་པའི་ཕྱི་རོལ་གྱི་གློག་ཁུངས་བཅད་ནས། ཁོད་ཡངས་སའི་ཕྱི་རོལ་དུ་ལས་ཀ་བྱེད་མཚམས་འཇོག་པ་དང་། ཉེན་ཁ་ཆེ་བའི་ས་ཁུལ་གྱི་མི་སྣ་དང་ཉེན་ཡོད་ཁང་པའི་སྡོད་དམངས་རྣམས་བདེ་འཇགས་ཡིན་སར་སྤོ་སྒྱུར་བྱས་ནས་ཆར་གཡོལ་བྱེད་དགོས། 
    4.གྲོང་ཁྱེར་དང་། ཞིང་ཁ། ཉ་རྫིང་བཅས་ཀྱི་ཆུ་འབུད་མ་ལག་ལ་ཞིབ་བཤེར་བྱས་ནས་འཁྱིལ་ཆུ་ཕྱིར་འབུད་ཀྱི་གྲ་སྒྲིག་ཡག་པོ་བྱེད་དགོས།