༄༅།།མཚོ་སྔོན་ཡུལ་ཤུལ་གྱི་གླུ་གར་པེ་ཅིང་དུ་འཁྲབ་སྟོན་བྱས་པ།

     ཟླ་5ཚེས་13ཉིན་གྱི་དགོང་མོར་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཀྲོའུ་ནས་ཡོང་བའི་བབ་ཆགས་པའི་ཞིང་འབྲོག་པའི་འཁྲབ་སྟོན་པ་30ཡིས་པེ་ཅིང་གྲོང་ཁྱེར་གཞོན་ནུའི་ཕོ་བྲང་དུ་རྒྱལ་སའི་མི་དམངས་ལ་ཞབས་བྲོ་དང་། མཉམ་གཞས། ཟློས་གར་ཐུང་གྲས་སོགས་ངོ་མཚར་ཆེ་བའི་ལེ་ཚན་10ཕུལ་བ་རེད། འཁྲབ་སྟོན་དེ“པེ་ཅིང་དང་ཡུལ་ཤུལ་ཁྱིམ་ཚང་གཅིག་ལྟར་བརྩེ། གཅིག་སེམས་གཅིག་ཏུ་འབྲེལ་བའི་བརྩེ་བ་མཉམ་དུ་གཏོད”ཅེས་པ་བརྗོད་དོན་གཙོ་བོར་བྱས་ནས་པེ་ཅིང་དང་ཡུལ་ཤུལ་གྱི་མི་རིགས་མཐུན་སྒྲིལ་དང་མཉམ་ལས་མཉམ་སྐྲུན་ལ་སྐུལ་འདེད་བཏང་བ་རེད།