མི་དམངས་དྲ་བ།

༄༅།།རྒྱལ་ཁབ་12ལ་ཐོངས་མཆན་མི་དགོས་པའི་དུས་ཡུན་རིང་དུ་བཏང་།

གསར་འགྱུར་སྤེལ་དུས། 　【2024ལོའི་ཟླ་ 05ཚེས་08ཉིན། 13:49】（རྩོམ་སྒྲིག་འགན་འཁུར་པ། མཁའ་འགྲོ།）

“ཕྱི་འབྲེལ་པུའི་མགྲིན་ཚབ་པའི་གཞུང་དོན་ཁང་”ནས་གནས་འཕྲིན་སྤེལ་བར་གཞིགས་ན། ཟླ་5ཚེས་7ཉིན། ཕྱི་འབྲེལ་པུའི་རྒྱུན་ལྡན་གྱི་གསར་འགོད་པའི་ཚོགས་འདུའི་ཐོག སྤྱི་ཁྱབ་བརྙན་འཕྲིན་ལས་ཁུངས་ཀྱི་གསར་འགོད་པས་དྲིས་དོན། ཀྲུང་གོའི་འགོ་ཁྲིད་པས་ཧྥ་རན་སེར་འཚམས་འདྲི་གནང་རིང་། ཧྥ་རན་སེ་སོགས་རྒྱལ་ཁབ་12ཀྱི་སྤྱི་དམངས་ཀྲུང་གོར་ཡོང་བར་ཐོངས་མཆན་མི་དགོས་པའི་སྲིད་ཇུས་དེ་2025ལོའི་ལོ་མཇུག་བར་ནར་འགྱངས་བྱ་རྒྱུ་ཡིན་ཞེས་ཁྱབ་བསྒྲགས་བྱས་པར། མགྲིན་ཚབ་པས་གནས་ཚུལ་ཞིབ་ཕྲ་ངོ་སྤྲོད་ཐུབ་བམ་ཞེས་དྲིས།
ལིན་ཅན་གྱིས། ཀྲུང་གོ་དང་ཕྱི་རྒྱལ་གྱི་མི་སྣའི་འགྲོ་འོང་ལ་སྐུལ་འདེད་སྔར་ལྷག་གཏོང་ཆེད། ཀྲུང་གོ་ཕྱོགས་ཀྱིས་ཧྥ་རན་སེ་དང་། འཇར་མན། དབྱི་ཐ་ལི། ཧོ་ལན། སི་ཕེན། མ་ལེ་ཞི་ཡ། སུའེ་ཙེར། ཨེར་ལན། ཧང་ག་རི། ཨོ་སི་ཁྲུ་རི་ཡ། པི་ལི་ཧྲི། ལུ་ཙེམ་པོག་བཅས་རྒྱལ་ཁབ་12ལ་ཐོངས་མཆན་མི་དགོས་པའི་སྲིད་ཇུས་2025ལོའི་ཟླ་12ཚེས་31ཉིན་བར་ནར་འགྱངས་བྱ་རྒྱུའི་གཏན་འབེབས་བྱས་པ་རེད། གོང་གསལ་རྒྱལ་ཁབ་ཀྱི་སྤྱིར་བཏང་ལམ་ཡིག་ཡོད་མཁན་ཀྲུང་གོར་ཚོང་གཉེར་དང་། ཡུལ་སྐོར་ལྟ་སྐྱོད། གཉེན་ཉེ་དང་གྲོགས་པོར་འཚམས་འདྲི། རྒྱལ་མཚམས་སྒྲོལ་བ་བཅས་ཉིན་15ལས་མི་བརྒལ་ཚེ། འཐུས་མཆན་འགོད་པའི་ལག་ཁྱེར་གྱི་འགྲོ་ལུགས་འགྲིམས་མི་དགོས་པར་རྒྱལ་མཚམས་སུ་འཛུལ་ཆོག་ཅེས་བཤད།