༄༅།།ཟླ་བ་དང་པོ་དང་གཉིས་པར་གཞི་ཁྱོན་ཡན་གྱི་གློག་རྡུལ་ཆ་འཕྲིན་བཟོ་སྐྲུན་ལས་རིགས་ཀྱི་འཕར་ཐང་14.6%འཕར་བ།

     འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། གསར་འགོད་པར་བཟོ་ལས་དང་ཆ་འཕྲིན་ཅན་པུའུ་ནས་ཤེས་རྟོགས་བྱུང་བར། འདི་ལོའི་ཟླ་བ་དང་པོ་དང་གཉིས་པར་རང་རྒྱལ་གྱི་གཞི་ཁྱོན་ཡན་གྱི་གློག་རྡུལ་ཆ་འཕྲིན་བཟོ་སྐྲུན་ལས་རིགས་ཀྱི་འཕར་ཐང་དུས་མཚུངས་ལས་14.6%འཕར་ནས་འཕར་ཐང་འཕར་ཚད་དུས་མཚུངས་ཀྱི་བཟོ་ལས་དང་ལག་རྩལ་མཐོ་བའི་བཟོ་སྐྲུན་ལས་རིགས་ལས་བརྒྱ་ཆའི་གྲངས་7.6དང་7.1སོ་སོར་འཕར་ཡོད་པ་རེད།
     ཐོན་སྐྱེད་བྱེད་ཚད་ཆེས་ཆེར་འཕར་ཞིང་། ཟླ་བ་དང་པོ་དང་གཉིས་པར་ཐོན་རྫས་གཙོ་བོའི་ཁྲོད་ལག་ཐོགས་ཁ་པར་གྱི་ཐོན་འབོར་དུང་ཕྱུར་2.34ཟིན་པ་དེ་དུས་མཚུངས་ལས་26.4%འཕར་ཞིང་། དེའི་ནང་རིག་ནུས་ལག་ཐོགས་ཁ་པར་གྱི་ཐོན་འབོར་དུང་ཕྱུར་1.72ཟིན་པ་དེ་དུས་མཚུངས་ལས་31.3%འཕར་བ་དང་། འདུས་གྲུབ་གློག་ལམ་གྱི་ཐོན་འབོར་དུང་ཕྱུར་704.2ཟིན་པ་དེ་དུས་མཚུངས་ལས་16.5%འཕར་ཡོད།
     ཕན་འབྲས་བརྟན་པོའི་ངང་ཆེ་རུ་སོང་བ་དང་མ་འཇོག་འཕར་མགྱོགས་སུ་སོང་ཞིང་། ཟླ་བ་དང་པོ་དང་གཉིས་པར་གཞི་ཁྱོན་ཡན་གྱི་གློག་རྡུལ་ཆ་འཕྲིན་བཟོ་སྐྲུན་ལས་རིགས་ཀྱི་ལས་གཉེར་ཡོང་འབབ་སྒོར་དུང་ཕྱུར་ཁྲི་2.14ཟིན་པ་དེ་དུས་མཚུངས་ལས་8.2%འཕར་བ་དང་། ཁེ་སྤོགས་བསྡོམས་འབོར་སྒོར་དུང་ཕྱུར་418.1ཟིན་པ་དེ་དུས་མཚུངས་ལས་ལྡབ་2.1འཕར་ཡོད་པ་རེད།