༄༅།།བྱིའུ་ཤིང་མངར་གྱི་ཐོན་ལས་ལ་བརྟེན་ནས་ས་མཐོའི་གྲོང་གསེབ་དར་རྒྱས་ལ་རམ་འདེགས་བྱེད་པ།

     བྱིའུ་ཤིང་མངར་ནི་སི་ཁྲོན་གྱི་ནུབ་རྒྱུད་དང་། ཀན་སུའུ་ཡི་ཤར་ལྷོའི་རྒྱུད། བོད་ལྗོངས་ཀྱི་ཤར་ལྷོའི་རྒྱུད་སོགས་ཀྱི་ས་མཐོའི་ཁུལ་དུ་སྐྱེ་བ་དང་། དེར་ས་ཁོངས་ཀྱི་གནམ་གཤིས་ལེགས་སྒྲིག་དང་རླུང་འགོག་བྱེ་འཇགས་སོགས་ཀྱི་ནུས་པ་ལྡན་ཡོད། སི་ཁྲོན་དཀར་མཛེས་བོད་རིགས་རང་སྐྱོང་ཀྲོའུ་རྟའུ་རྫོང་གི་ཡུལ་མི་ཚོས་དེར་བྱིའུ་ཤིང་ཟེར་ཞིང་། ཤིང་དེར་སྐྱེ་ཁམས་ཀྱི་རིན་ཐང་དང་སྨན་དང་བཟའ་བཅའ་གཉིས་སྤྱོད་སོགས་ཀྱི་རིན་ཐང་ཆེན་པོ་ལྡན་ཡོད་ལ། དེའི་ལོ་མས་ཇ་ལོ་བཟོ་བ་དང་འབྲས་བུས་བཏུང་བྱ་མངར་མོ་སོགས་ཐོན་སྐྱེད་བྱེད་ཀྱི་ཡོད།
     ཉེ་བའི་ལོ་ཤས་རིང་། ཁྲོམ་རའི་དགོས་མཁོ་ཟམ་མི་ཆད་པར་ཆེ་རུ་ཕྱིན་པ་དང་བསྟུན་ནས་རྟའུ་རྫོང་གིས་འཆར་གཞི་ཡོད་པའི་སྒོ་ནས་བྱིའུ་ཤིང་མངར་གྱི་སྡོང་ཕྲུག་བཏབ་ནས་ཐོན་ལས་འཁོར་འབྲེལ་གྱི་ཁེ་ལས་ཟམ་མི་ཆད་པར་སྐྱེད་སྲིང་བྱས་ཏེ་གྲོང་ཚོའི་མཉམ་སྡེབ་ལ་བགོ་འགྲེམས་རྒྱག་པ་དང་། གྲོང་གསེབ་ཀྱི་ངལ་རྩོལ་ནུས་ཤུགས་ལས་ཀར་འཇུག་པ། ཞིང་པའི་ས་ནས་ཞིང་ལས་ཐོན་ཟོག་ཉོ་བ་སོགས་ཀྱི་བྱེད་ཐབས་བརྒྱུད་རྫོང་དེའི་ཤང་དང་གྲོང་རྡལ་6གི་དུད་ཚང་2000ལྷག་ཙམ་ལ་འབབ་འཕར་ཡོང་བར་སྐུལ་ཁྲིད་བྱས་ནས་ས་གནས་དེ་གའི་གྲོང་གསེབ་དར་རྒྱས་ལ་རམ་འདེགས་བྱེད་ཀྱི་ཡོད། 
     (ཤིན་ཧྭ་གསར་འགྱུར་ཁང་གི་གསར་འགོད་པ)
【1】  【2】  【3】