༄༅།།ཏང་ཡོན་དང་བླངས་པས་ཞིང་འབྲོག་པ་དྲོ་སྐྱིད་ལྡན་པའི་ངང་དགུན་སྒྲོལ་ཐུབ་པར་རམ་འདེགས་བྱས་པ།

     དགུན་ཁ་ཤར་ཚུན། ཤིན་ཅང་ཧྲ་དབན་གྲོང་ཁྱེར་གྱིས་རྒྱ་ཆེའི་ཏང་ཡོན་གྱི་གདོང་ལེན་དཔེ་བཟང་ནུས་པ་འདོན་སྤེལ་གང་ལེགས་བྱས་ཤིང་། རིམ་པ་ཁག་གི་ཏང་ཡོན་དང་བླངས་པ་སྒྲིག་འཛུགས་ཀྱིས་རི་ཁུལ་དང་འབྲོག་ཁུལ་དུ་བསྐྱོད་ནས་ཞིང་འབྲོག་པར་ཐོལ་བྱུང་གི་ཁ་བ་བུ་ཡུག་གི་གནོད་འཚེར་ཁ་གཏད་གཅོག་པའི་གྲ་སྒྲིག་ལས་དོན་སྤེལ་བར་མཛུབ་ཁྲིད་དང་། ལྷས་ར་ཉམས་བཟོ། གཟན་རྩྭ་དབོར་འདྲེན། རིམས་འགོག་སོགས་ཀྱི་གནད་དོན་ཐག་གཅོད་བྱེད་རོགས་བྱས་པ་དང་། ཞིང་འབྲོག་པ་དང་སྒོ་ཕྱུགས་བདེ་འཇགས་ངང་དགུན་སྒྲོལ་ཐུབ་པའི་འགན་ལེན་བྱས་ཡོད།