༄༅།།ཀན་སུའུ་འབྲུག་ཆུར་ཡུལ་ཟོག་བྲིན་ཁ་རྒྱུག་པས་གྲོང་གསེབ་དར་རྒྱས་ལ་སྐུལ་མ་ཐེབས།

     ཉེ་བའི་ལོ་ཤས་རིང་། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཀྲོའུ་འབྲུག་ཆུ་རྫོང་གིས་ས་གནས་དེ་གའི་འདེབས་གསོའི་ཐོན་ཁུངས་ཀྱི་ལེགས་ཆར་བརྟེན་ནས་བོད་འབྲེལ་ས་ཁུལ་གྱི་ཞིང་ཞོར་ཐོན་རྫས་ཀྱི་སྤུས་རྟགས་འཛུགས་སྐྱོང་ལ་སྐུལ་འདེད་ཧུར་ཐག་བཏང་སྟེ་བོད་སྨན་སྨན་རྒྱུ་དང་ཀྲུང་ལུགས་སྨན་རྩྭ་དང་། བོད་བྱ། བོད་ཕག རླམ་རྩྭ་ཕོ་སུལ། གཡེར་མ་སོགས་སྤུས་རྟགས་ཐོན་རྫས་གཙོ་གནད་ཐོག་བཏོད་དེ་རྫོང་དང་། ཤང་། གྲོང་ཚོ་བཅས་རིམ་གསུམ་གྱི་དྲ་ཐོག་ཚོང་དོན་ཟོག་འགྲེམས་ཞབས་ཞུའི་མ་ལག་འཕེལ་རྒྱས་དང་འཐུས་སྒོ་ཚང་དུ་བཏང་བ་དང་དྲ་བའི་ཐད་ཚོང་དང་། འཛད་སྤྱོད་རོགས་སྐྱོར། དྲ་ཕྱིའི་བྲིན་ཚོང་སོགས་ཀྱི་ཐབས་ལ་བརྟེན་ནས་ཡུལ་ཟོག་འཚོང་བར་སྐུལ་འདེད་བཏང་བས་གྲོང་གསེབ་དར་རྒྱས་ལ་སྐུལ་འདེད་ཐེབས་པ་རེད།