མི་དམངས་དྲ་བ།

༄༅།།ཡུག་རེན་གྱི་ཙུང་ཐུང་འདེམས་བསྐོའི་ཐད།

གསར་འགྱུར་སྤེལ་དུས། 　【2023ལོའི་ཟླ་ 11ཚེས་08ཉིན། 14:13】（རྩོམ་སྒྲིག་འགན་འཁུར་པ། རྟ་མགྲིན།）

ས་གནས་དེ་གའི་དུས་ཚོད་ཟླ་11ཚེས་7ཉིན། ཡུག་རེན་གྱི་སྒེར་ཚུགས་གསར་འགྱུར་ཁང་གིས་གནས་འཕྲིན་སྤེལ་ནས་འཁོད་དོན། ཡུག་རེན་གྱི་ཀྲུང་དབྱང་འདེམས་བསྐོ་ཨུ་ཡོན་ལྷན་ཁང་གི་ཀྲུའུ་ཞི་གཞོན་པ་ཏུའུ་པོ་ཝེ་ཁེ་ཡིས་ཕྱི་རྒྱལ་གྱི་སྨྱན་སྦྱོར་བའི་བཅར་འདྲི་དང་ལེན་བྱེད་སྐབས། ཡུག་རེན་གྱི་ཙུང་ཐུང་ཙེ་ལེན་སི་ཅི་ཡིས་འགན་འཁུར་ཡུན་ཐིམ་རྗེས་མུ་མཐུད་ཙུང་ཐུང་གི་གོ་གནས་འཛིན་བྱ་རྒྱུ་རེད། དེའི་རྒྱུ་མཚན་ནི་འབྲེལ་ཡོད་བཅའ་ཁྲིམས་སུ་དམག་འཁྲུག་སྐབས་ཀྱི་གནས་ཚུལ་འོག་ཙུང་ཐུང་འདེམས་བསྐོ་གཏན་འགོག་བྱས་པའི་དབང་གིས་རེད་ཟེར།