༄༅།།ཞི་ཅིན་ཕིང་གིས་མོ་རོ་ཁོར་ས་ཡོམ་དྲག་པོ་བརྒྱབ་པར་མོ་རོ་ཁོའི་རྒྱལ་པོ་མོ་ཧན་མོ་ཏེ་སྐུ་ཐོག་
དྲུག་པར་འཚམས་འདྲིའི་གློག་འཕྲིན་བཏང་གནང་བ།

   ཤིན་ཧྭ་གསར་འགྱུར་ཁང་པེ་ཅིང་ནས་ཟླ་9ཚེས་9ཉིན་གློག་འཕྲིན་འབྱོར་གསལ། ཟླ་9ཚེས་9ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མོ་རོ་ཁོར་ས་ཡོམ་དྲག་པོ་བརྒྱབ་པར་མོ་རོ་ཁོའི་རྒྱལ་པོ་མོ་ཧན་མོ་ཏེ་སྐུ་ཐོག་དྲུག་པར་འཚམས་འདྲིའི་གློག་འཕྲིན་བཏང་གནང་བ་རེད།
   ཞི་ཅིན་ཕིང་གིས། ཁྱེད་ཚོའི་རྒྱལ་ཁབ་ལ་ས་ཡོམ་དྲག་པོ་བརྒྱབ་ནས་མི་སྣ་ཤི་རྨས་དང་རྒྱུ་ནོར་ལ་གྱོང་གུན་ཚབས་ཆེན་ཕོག་པ་གོ་ཐོས་བྱུང་། ངས་ཀྲུང་གོ་སྲིད་གཞུང་དང་མི་དམངས་ཀྱི་ཚབ་ཞུས་ཏེ། རྐྱེན་ལམ་དུ་ཤོར་བའི་མི་སྣར་ཡིད་ཤིན་ཏུ་སྐྱོ་བའི་ངང་མྱ་ངན་ཞུ་རྒྱུ་མ་ཟད། རྐྱེན་ལམ་དུ་ཤོར་བའི་མི་སྣའི་ནང་མི་དང་རྨས་མ་ཚོར་ལྷག་བསམ་ཟོལ་མེད་ཀྱི་འཚམས་འདྲི་ཞུ་རྒྱུའང་ཡིན། རྒྱལ་པོ་མཆོག་གི་འགོ་ཁྲིད་འོག་མོ་རོ་ཁོ་སྲིད་གཞུང་དང་མི་དམངས་ཀྱིས་སྔ་ཙམ་གནོད་འཚེའི་ཤུགས་རྐྱེན་ཁྱད་བསད་བྱས་ནས་ཁྱིམ་གཞིས་བསྐྱར་སྐྲུན་ཐུབ་ངེས་ཡིན་པའི་ཡིད་ཆེས་ཡོད་ཅེས་གསུངས་པ་རེད།