མི་དམངས་དྲ་བ།

༄༅།།བོད་རིགས་གཞོན་ནུ་40པེ་ཅིང་དུ་འབྱོར་འདུག

གསར་འགྱུར་སྤེལ་དུས། 　【2023ལོའི་ཟླ་ 05ཚེས་31ཉིན། 15:52】（རྩོམ་སྒྲིག་འགན་འཁུར་པ། རྟ་མགྲིན།）

ཟླ་5ཚེས་30ཉིན། མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་བྱིས་པའི་ཕན་བདེ་ཁང་ནས་ཡོང་བའི་བོད་རིགས་གཞོན་ནུ་ལོ་ཆུང་40པེ་ཅིང་ཏ་ཞིང་རྒྱལ་སྤྱིའི་གནམ་ཐང་དུ་འབྱོར་ནས་ཀྲུང་གོ་གསར་འགྱུར་ཁང་དང་། མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་མི་དམངས་སྲིད་གཞུང་། པེ་ཅིང་མཚོ་སྐྱོར་བཀོད་འདོམས་པུས་གཙོ་གཉེར་དང་། ཀྲུང་གོ་གསར་འགྱུར་དྲ་བས་སྒྲུབ་འགན་འཁུར་བ་དང་ཀྲུང་གོ་གསར་འགྱུར་དྲ་བའི་སྤྱི་ཕན་གྱིས་སྒྲུབ་རོགས་བྱས་པའི“གཙང་གསུམ་ཆུ་འགོ• པེ་ཅིང་གི་བརྩེ་བ•ཀྲུང་གོའི་སེམས་པ——མཚོ་སྔོན་ཡུལ་ཤུལ་བོད་རིགས་གཞོན་ནུ་ལོ་ཆུང་པེ་ཅིང་དུ་སྐྱོད”ཅེས་པའི་སྤྱི་ཕན་བྱེད་སྒོར་ཞུགས་ནས་དུས་ཡུན་ཉིན་5ཡི་ལྟ་སྐོར་དང་སྤེལ་རེས་བྱ་རྒྱུ་རེད། གནམ་གྲུ་ནས་བབས་མ་ཐག་པའི་བྱིས་པ་ཚོ་པེ་ཅིང་ལ་མཚར་སྣང་གིས་ཁེངས་འདུག ལོ་10ལ་སླེབས་པའི་དོན་གྲུབ་བཟང་པོ་ཡིས་གསར་འགོད་པར་ལྕགས་རི་རིང་པོར་ལྟ་རུ་འགྲོ་རྒྱུའི་རེ་བ་ཡོད་པ་དང་། ལྕགས་རི་རིང་པོ་ཇི་འདྲ་རིང་པོ་ཡོད་པ་རང་གི་གོམ་སྟབས་ལ་བརྟེན་ནས་འཇལ་འདོད་ཡོད་ཅེས་བཤད། ལྟ་སྐོར་དངོས་སུ་འགོ་ཚུགས་མེད་ཀྱང་བྱིས་པ་ཚོས་ཉིན་གཉིས་པའི་བྱེད་སྒོར་རེ་སྒུག་ཆེན་པོ་བྱེད་ཀྱི་ཡོད།