༄༅།།དྭངས་གཙང་ཆུ་མོ་དལ་གྱིས་རྒྱུག

     རི་སྔོ་ཞིང་ཆུ་མོ་དྭངས་ལ་སྐྱེ་ཁམས་བཟང་། ཆུ་བོ་དང་མཚོ་ནི་སྐྱེ་ཁམས་མ་ལག་ཁྲོད་མེད་དུ་མི་རུང་བའི་ཆ་ཤས་ཤིག་རེད་ལ། ང་ཚོར་མཚོན་ནའང་དེའི་གལ་འགངས་ཆེ་ལུགས་ནི་བརྗོད་མི་དགོས་པ་ཞིག་རེད། ཆུ་བོ་དང་མཚོ་བཅོས་སྐྱོང་ལ་ཤུགས་སྣོན་རྒྱག་རྒྱུ་ནི་མཛེས་སྡུག་ལྡན་པའི་བོད་ལྗོངས་བསྐྲུན་པའི་ནང་དོན་གལ་ཆེན་ཞིག་ཡིན་ཞིང་། ཉེ་བའི་ལོ་ཤས་རིང་། བོད་རང་སྐྱོང་ལྗོངས་ཀྱི་ས་གནས་ཁག་དང་སྡེ་ཚན་ཁག་གི་འབད་བརྩོན་འོག་བོད་ཀྱི་ཆུ་བོ་དང་མཚོ་བཅོས་སྐྱོང་ལ་འཕེལ་རྒྱས་ཆེན་པོ་བྱུང་ཡོད། པར་འདི་གཉིས་ནི་བཅོས་སྐྱོང་བྱས་རྗེས་ཀྱི་དྭངས་ཤིང་གཙང་བའི་ལྷ་ས་སྐྱིད་ཆུ་ཡིན་པ།