མི་དམངས་དྲ་བ།

༄༅།།ང་ཚོས་བསྟོད་གླུ་མི་ལེན་པ་ཅི་ལ་སྲིད།

གསར་འགྱུར་སྤེལ་དུས། 　【2023ལོའི་ཟླ་ 03ཚེས་30ཉིན། 14:25】（རྩོམ་སྒྲིག་འགན་འཁུར་པ། རྟ་མགྲིན།）

ལོ་ངོ་64ཡི་གོང་ཀྲུང་གོ་གུང་ཁྲན་ཏང་རླབས་ཆེའི་དབུ་ཁྲིད་འོག བོད་དུ་བརྗིད་རླབས་ཆེ་བའི་དམངས་གཙོའི་བཅོས་སྒྱུར་བྱས་ནས་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་རྩ་མེད་དུ་བཏང་བ་དང་། འཛམ་གླིང་གི་འགྲོ་བ་མིའི་ཐོབ་ཐང་ལོ་རྒྱུས་ཐོག་འོད་སྟོང་འཕྲོ་བའི་ལེའུ་ཞིག་བཏོད་ཡོད། ལོ་64ཡི་རིང་ཀྲུང་གོ་གུང་ཁྲན་ཏང་གི་དབུ་ཁྲིད་འོག་བོད་ཀྱི་མི་རིགས་ཁག་གི་བུ་ཕྲུག་ཚོས་བརྗིད་ཉམས་ཆེ་བའི་རྣམ་པ་ཞིག་གཏོད་དེ། མི་སེམས་གཡོ་བར་བྱེད་ཅིང་བརྗིད་ཉམས་ཆེ་བའི་མཛད་རྗེས་བཞག་ཡོད། དེ་དག་ལས་ང་ཚོས་བོད་ཀྱི་དམངས་གཙོའི་བཅོས་སྒྱུར་དང་། འཛུགས་སྐྲུན། དབུལ་སྒྲོལ། འབྱོར་འབྲིང་ཕྱོགས་སུ་སྐྱོད་པ་བཅས་ཀྱི་ལོ་རྒྱུས་འཕེལ་རིམ་མཐོང་ཐུབ། བསྔགས་བརྗོད་ཀྱི་གླུ་དབྱངས་དེ་ལས་ང་ཚོས་གཞིས་ཀ་རྩེའི་ཞི་མཐུན་བརྟན་ལྷིང་དང་མཐུན་སྒྲིལ་ཡར་བརྩོན་གྱི་དུས་རབས་ཀྱི་འབོད་སྒྲ་ཐོས་ཐུབ།
ནམ་ཡང་བློ་ལ་ངེས་རིན་ཡོད་པའི་ཉིན་མོ་དེའི་ནང་། ང་ཚོས་རླབས་ཆེན་གྱི་ཀྲུང་གོ་གུང་ཁྲན་ཏང་ལ་གླུ་དབྱངས་མི་ལེན་པ་ཅི་ལ་སྲིད། ང་ཚོས་མཛེས་སྡུག་ལྡན་པའི་དུས་རབས་གསར་པ་དང་འཚོ་བ་གསར་པར་གླུ་དབྱངས་མི་ལེན་པ་ཅི་ལ་སྲིད། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་ཡོད་ཚེ། གཞིས་རྩེའི་འབྱུང་འགྱུར་དེ་བས་འོད་སྟོང་འཕྲོ་ངེས་ཡིན་པ་དང་། ཇོ་རིའི་བུ་ཕྲུག་ཚོའི་གླུ་དབྱངས་ཇི་ཙམ་བླངས་པ་དེ་ཙམ་གྱིས་སྐད་གསང་མཐོན་པོས་ལེན་ངེས་ཡིན་པར་ང་ཚོས་ཡིད་ཆེས་བརྟན་པོ་བྱེད་ཀྱི་ཡོད།