༄༅།།དངོས་བྲིས་གློག་བརྙན་ཆེ་གྲས《ས་མཐོའི་སྙན་དབྱངས།》ལེའུ་དང་པོ། འཚར་ལོངས། 

   

     
   ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་རྒྱ་སྐད་གོ་ལ་ཧྲིལ་པོའི་ལེ་ཚན་ལྟེ་གནས་ཀྱིས་བརྙན་ལེན་ཕབ་སྐྲུན་བྱས་པའི་ལེའུ་ལྔ་ཡི་དངོས་བྲིས་གློག་བརྙན《ས་མཐོའི་སྙན་དབྱངས།》ཞེས་པ་དེ་ཟླ་2ཚེས་28ཉིན་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་CCTV-1ཕྱོགས་བསྡུས་འཕྲིན་ལམ་དུ་ཐོག་མར་བསྟན་པ་རེད། དངོས་བྲིས་གློག་བརྙན《ས་མཐོའི་སྙན་དབྱངས།》ཞེས་པར་ཁྱོན་ལེའུ་ལྔ་ཡོད་ཅིང་། དེ་དག་ནི“འཚར་ལོངས”དང་། “སྲོལ་གསར” “ཕུགས་འདུན” “སྲུང་སྐྱོང་” “འཚོལ་སྙེག”བཅས་བརྗོད་དོན་གཙོ་བོར་བྱས་ཏེ། ཕྱོགས་མི་འདྲ་བའི་ཐོག་ནས་དུས་རབས་གསར་པའི་བོད་ལྗོངས་གསར་པའི་སྐོར་གླེང་བ་དང་། མི་རིགས་ཁག་གི་མི་དམངས་དང་ལྷག་པར་དུ་ན་གཞོན་ཚོས་སྲོལ་རྒྱུན་ཁྲོད་ནས་བློ་གྲོས་བསྡུ་ལེན་བྱས་ཏེ། དུས་རབས་ཀྱི་གོ་སྐབས་དམ་འཛིན་གྱིས་མི་ཚེའི་ཕུགས་འདུན་མངོན་འགྱུར་བྱ་ཆེད་འབད་བརྩོན་ལྷོད་མེད་བྱེད་པའི་གཏམ་རྒྱུད་བརྗོད་ཡོད་པ་རེད།
   ལེའུ་དང་པོའི་ནང་དོན་གཙོ་བོ། བྱིས་པའི་དུས་ནི་ཚོན་མདངས་རྣམ་པར་བཀྲ་བ་ཞིག་ཡིན། ད་ལྟའི་བོད་ལྗོངས་སུ་ཕྲུ་གུ་ཚང་མ་དགའ་སྤྲོའི་ངང་འཚར་ལོངས་ཡོང་བར་འབད་པ་བྱེད་ཀྱི་ཡོད། ཁོ་ཚོས་རང་ཉིད་ཀྱི་རང་གཤིས་མངོན་པ་དང་སེམས་ནང་གི་ངོ་མཚར་འཚོལ་ཞིབ་བྱེད་ཀྱིན་ཡོད། འཚར་ལོངས་ཀྱི་གར་འགྲོས་དང་བསྟུན་ནས་འབྱུང་འགྱུར་གྱི་རྣམ་པ་གླུ་ལ་བླངས། ལེའུ་འདིའི་གཏམ་རྒྱུད་འཚར་ལོངས་ནས་འགོ་བརྩམས་པ་ཡིན།