མི་དམངས་དྲ་བ།

༄༅།།ཡུན་ནན་ནས་གཏུམ་འབྲུག་འགྱུར་རྡོ་9སྔོག་འདོན་བྱེད་འགོ་ཚུགས་པ།

གསར་འགྱུར་སྤེལ་དུས། 　【2022ལོའི་ཟླ་ 12ཚེས་30ཉིན། 13:11】（རྩོམ་སྒྲིག་འགན་འཁུར་པ། མཁའ་འགྲོ།）

མི་དམངས་དྲ་བའི་འཕྲིན། ཉེ་ཆར། ཡུན་ནན་ཞིང་ཆེན་ཁྲུའུ་ཞུང་དབྱི་རིགས་རང་སྐྱོང་ཁུལ་ལུའུ་ཧྥེང་གྲོང་ཁྱེར་དང་ཝུའུ་ཏིང་རྫོང་དང་ཧྲོང་པའེ་རྫོང་དུ་གཏུམ་འབྲུག་འགྱུར་རྡོ་མྱུར་སྐྱོབ་རང་བཞིན་གྱི་སྔོག་འདོན་ལས་དོན་སྤེལ་འགོ་ཚུགས་ཤིང་། ད་ཐེངས་ས་གནས་ཁག་གསུམ་དུ་ཁྱོན་བསྡོམས་གཏུམ་འབྲུག་འགྱུར་རྡོ་ས་ཚིགས་9སྔོག་འདོན་བྱ་རྩིས་ཡོད་པ་རེད།
ངོ་སྤྲོད་བྱས་པར་གཞིགས་ན། 1938ལོར་ལུའུ་ཧྥེང་ས་ཁུལ་དུ་ཆ་ཚང་བའི་གཏུམ་འབྲུག་འགྱུར་རྡོ་དང་པོ་རྙེད་པ་ནས་ད་བར་ཁྲུའུ་ཞུང་ཁུལ་ནས་གཏུམ་འབྲུག་འགྱུར་རྡོ་410ལྷག་ཙམ་རྙེད་པ་དང་། དེའི་ནང་ནས་ཅུང་ཆ་ཚང་བ་70ལྷག་ཙམ་ཡོད་པ་དང། ལྷག་དོན་ཀྲུའུ་ལུའོ་དུས་སྔ་མའི་སྐབས་ཀྱི་གཏུམ་འབྲུག་གྲགས་ཆེ་ཤོས་སུ་གྱུར་ཡོད།