༄༅།།གོ་ལ་ཧྲིལ་པའི་སྐྱེ་དངོས་གསར་པ་ཞིག་གསར་དུ་རྙེད།

   མི་དམངས་དྲ་བའི་འཕྲིན། ཟླ་11ཚེས་30ཉིན་གྱི་སྔ་དྲོ་ཀྲེ་ཅང་ལི་ཧྲུའེ་གྲོང་ཁྱེར་གྱིས་སྐྱེ་དངོས་སྣ་མང་རང་བཞིན་སྲུང་སྐྱོང་ལས་དོན་ལ་སྐུལ་འདེད་གཏོང་བའི་གསར་འགྱུར་ཡོངས་བསྒྲགས་ཚོགས་འདུ་དེ་གྲོང་ཁྱེར་སྲིད་འཛིན་ལྟེ་གནས་སུ་འཚོགས་པ་རེད། ཚོགས་འདུའི་ཐོག་ལི་ཧྲུའེ་གྲོང་ཁྱེར་དུ་གཙང་ཉའི་རིགས་ཀྱི་ཉ་རིགས་གསར་པ་ཞིག་སྟེ། ཨོའུ་ཅང་གཙང་པོའི་པིའོ་ཅུས་ཆུང་བ་（Microphysogobio oujiangensis）ཤེས་རྟོགས་བྱུང་བ་ཁྱབ་བསྒྲགས་བྱས་པ་མ་ཟད། 《ལི་ཧྲུའེ་ཡི་སྐྱེ་དངོས་སྣ་མང་རང་བཞིན་སྲུང་སྐྱོང་བྱེད་དགོས》ཞེས་པའི་རྒྱབ་ཤ་དཀར་པོའི་དེབ་དངོས་སུ་བཀྲམས་པ་རེད། འདི་ཡང་རྒྱལ་ཡོངས་ཀྱི་ས་ཁུལ་དང་གྲོང་ཁྱེར་རིམ་པའི་སྐྱེ་དངོས་སྣ་མང་རང་བཞིན་གྱི་རྒྱབ་ཤ་དཀར་པོའི་དེབ་ཐོག་མ་དེ་རེད།