མི་དམངས་དྲ་བ།

༄༅།།མདུན་སྐྱོད་ཀྱི་ཀྲུང་གོ། གསར་བརྗེའི་བཀྲ་ཤིས། དམག་གསར་རྡོག་ཐོན།

གསར་འགྱུར་སྤེལ་དུས། 　【2026ལོའི་ཟླ་ 09ཚེས་17ཉིན། 17:02】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། ཚེ་དབང་།）

གསར་བརྗེའི་གནས་གཞིའི་ས་ཁུལ་རྙིང་པའི་ཝེ་ཞིན་རྫོང་ནས་ཡོང་བའི་དམག་མི་གསར་པ་62གཟི་བརྗིད་ལྡན་པའི་ངང་དམག་ལ་ཞུགས་པ་རེད།

དམག་ཆས་སྤྲས་ནས་བཀྲ་ཤིས་ཀྱི་བུ་ཕྲུག་ལམ་བུ་གསར་པར་བསྐྱོད། ཟླ་9ཚེས་15ཉིན་ཡུན་ནན་ཞིང་ཆེན་ཀྲའོ་ཐུང་གྲོང་ཁྱེར་ཝུའེ་ཤིན་རྫོང་གིས་2026ལོའི་ལོ་སྨད་དུ་དམག་མི་གསར་པ་དམག་ལ་ཞུགས་པར་ཕེབས་སྐྱེལ་ཞུ་བའི་མཛད་སྒོ་བཙུགས་པ་དང་། གཞོན་ནུ་གསར་བུ་62ཀྱིས་ཁྱིམ་ཚང་དང་རྒྱལ་ཁབ་ལ་བརྩེ་སེམས་བཅངས་ནས་གསར་བརྗེའི་གནས་གཞི་དེ་ནས་ཐོན་ཏེ་དམག་སྒར་དུ་བསྐྱོད་དེ་དམག་ལ་ཞུགས་འགོ་ཚུགས་ཡོད།

གསར་བརྗེའི་སྔོན་གཤེགས་དཔའ་བོར་དྲན་གསོ་ཞུ་བ་དང་། རྡོག་ཐོན་གྱི་མཛད་སྒོ་ཚུགས་པ། ཁྲོམ་གཞུང་དུ་རུ་སྟར་བསྒྲིགས་ནས་ཁྲོམ་སྐོར་བྱེད་པ་བཅས་ཀྱི་སྐབས་སུ་ས་གནས་དེ་གའི་མང་ཚོགས་ཀྱིས་སྤྲོ་སེམས་འཁོལ་བའི་ངང་གཞོན་ནུ་གསར་བུར་དགའ་སྐྱེལ་བྱས་པ་རེད། ཤེས་རྟོགས་བྱུང་བར་གཞིགས་ན། ད་ཐེངས་བསྡུ་རུབ་བྱས་པའི་དམག་མི་གསར་པ་62ནང་སློབ་ཆེན་གྱི་སློབ་མ་44ཡོད་པ་དང་། གཞན་ཡང་དམག་ལ་ཐེངས་གཉིས་ཞུགས་པའི་ཕུལ་བྱུང་དམག་མི་རྒན་གྲས་ཀྱིས་ཕུགས་འདུན་དོན་གཉེར་བྱས་ནས་སླར་ཡང་རྡོག་ཐོན་བྱས་ཡོད།

ཝུའེ་ཤིན་ནི་“བཀྲ་ཤིས་ཚོགས་འདུ་”སྐོང་ཚོགས་བྱ་ཡུལ་ཡིན། ཉེ་བའི་ལོ་ཤས་རིང་། ཝུའེ་ཤིན་རྫོང་གིས་གསར་བརྗེའི་ཐོན་ཁུངས་ཀྱི་ལེགས་ཆ་འདོན་སྤེལ་གང་ལེགས་བྱས་ནས་དམག་བསྡུའི་དྲིལ་བསྒྲགས་དང་རྒྱལ་སྲུང་སློབ་གསོ་རྒྱུན་མཐུད་གཏིང་ཟབ་ཏུ་བཏང་ནས་གསར་བརྗེའི་གཞི་རྒྱུ་ལྡན་པའི་གཞོན་ནུའི་ཁྲག་རྒྱུན་ཟབ་ཏུ་བཏང་ཡོད།

དམག་ལ་ཞུགས་པའི་དམག་མི་གསར་པས་དམར་དམག་གི་སྔོན་གཤེགས་དཔའ་བོའི་དྲན་གསོའི་རྡོ་རིང་ལ་མེ་ཏོག་སི་ར་ཕུལ་བ་རེད།