༄༅།།མདུན་སྐྱོད་ཀྲུང་གོ། “མཐོ་སྒང་དུ་འབྱོར་བའི་”སྡོང་པོའི་སྐོར། 

    དབྱར་དུས་ཀྱི་ལྷ་སའི་ལུང་གཞུང་དུ་བསིལ་རླུང་གིས་སྐུལ་ནས་རྩྭ་ཤིང་གི་དྲི་ཞིམ་བསང་དྭགས་གྲོང་ཚོ་ཡོངས་སུ་ཁྱབ་ཡོད། རྒྱ་མཚོའི་ངོས་ལས་མཐོ་ཚད་སྨི་3650ཟིན་པའི་ས་མཐོའི་ཐོག་ཉི་འོད་རབ་ཏུ་འཕྲོས། བོད་རང་སྐྱོང་ལྗོངས་རྩི་ཤིང་ཚན་རིག་ཞིབ་འཇུག་ཁང་གི་མྱུག་གསོའི་རྟེན་གཞིར་མྱུག་གསོའི་སྔོ་ལྗང་གི་མྱུག་སྡོང་རེ་རེ་བཞིན་སྐྱེས་བཞིན་ཡོད།

     ཚན་ཞིབ་མི་སྣ་ཝང་ཡུས་ཐིང་གིས་ལུས་པོ་སྒུར་བཞིན་དུ་ལི་སྨི་5ཡང་མ་ཟིན་པའི་མྱུ་གུ་དེ་དག་ལ་བྱིལ་བྱིལ་བྱས། “འདི་ནི་2024ལོར་བཏབ་པའི་ཤུག་སྡོང་ཆེན་པོ་ཞིག་རེད།” དེ་དག་ཚང་མ་ཁོང་དང་ཚོགས་པས་ལོ་མང་འབད་བརྩོན་བྱས་པའི་གྲུབ་འབྲས་རེད། “མི་མང་པོ་ཞིག་གིས་ཤིང་འཛུགས་རྒྱུ་ནི་ལས་སླ་པོ་ཞིག་ཡིན་པས་ས་དོང་བརྐོས་ནས་བཙུགས་ན་འགྲིག་གི་རེད་སྙམ་གྱི་ཡོད་མོད། འོན་ཀྱང་བོད་ལྗོངས་སུ་ཧ་ཅང་ཁག་པོ་རེད།

     མཐོ་གྲང་དང་། གསོ་རླུང་དཀོན་པ། སྨུག་ཕྱིའི་འོད་དྲག་པོ། ས་རིམ་གཏིང་ཐུང་ཞིང་ས་རྒྱུ་ཞན་པ་བཅས་ཀྱི་རང་བྱུང་ཁོར་ཡུག་གི་རྐྱེན་པས་ཕྱི་ནས་ཡོང་བའི་ཤིང་རིགས་མང་ཆེ་བ་དོར་བ་རེད། སྔོན་ཆད། དྲོད་ཁང་ནང་དུ་ཚོད་ལྟའི་ཚུལ་དུ་སྐྱོན་མེད་ཀྱི་ལྗང་བུ་ཞིག་རི་སྟེང་དུ་སྤོ་འཛུགས་བྱས་ན་རྒྱུན་དུ་གསོན་དཀའ་བས། དེ་ལས་ཚན་ཞིབ་མི་སྣར་ཐུན་མོང་གི་ངོས་འཛིན་བྱུང་གསལ་དུ། རང་ཡུལ་གྱི་ཤིང་རིགས་དང་འཚམ་ན་ད་གཟོད་བོད་དུ་རྒྱལ་ཁབ་ཀྱི་ས་ཆ་སྔོ་འགྱུར་གྱི་གཙོ་ཤུགས་ཡིན།

     འོན་ཀྱང་། “རང་ས་ཅན་”གྱི་འགྲོ་ལམ་དེའང་ལས་སླ་པོ་ཞིག་མ་རེད། བོད་རང་སྐྱོང་ལྗོངས་ནགས་ཚན་ཁང་གི་ཡོན་ཀྲང་ལི་པིང་ཀྲང་གིས། “བོད་དུ་ཤིང་སྡོང་ཤུག་པ་དང་། ཤུག་པ་ཆེན་པོ། དྲི་ཞིམ་ཤུག་པ་སོགས་ཡུལ་ལུང་གི་ཁྱད་ལྡན་གྱི་རྒྱུན་ལྗང་ཤིང་རིགས་འབོར་ཆེན་ཡོད་མོད། འོན་ཀྱང་དུས་ཡུན་རིང་པོའི་ནང་མྱུ་གུ་འབུས་དཀའ་བ་དང་མྱུ་གུ་འབུས་ཚད་ཞན་པ་སོགས་ཀྱི་གནད་དོན་ཐོན་ནས་རི་བོ་ནགས་བཟོའི་ཁྲོད་བེད་སྤྱོད་བྱ་རྒྱུ་ཧ་ཅང་ཉུང་ཉུང་རེད་”ཅེས་དྲང་པོར་གསུངས།

    དེར་བརྟེན། ཡུལ་གྱི་ཤིང་སྡོང་ཞིག་གསོ་སྤེལ་བྱེད་པ་ནས་མཐར་རི་རྒོད་དུ་རྩ་བ་ཚུགས་པའི་བར་དུས་ཡུན་རིང་ལ་དཀའ་ཚེགས་ཆེ་བའི་“རྒྱང་རིང་གི་ལམ་བུའི་”ཐོག་བསྐྱོད་དགོས་པ་ཐག་གིས་ཆོད།

    ཡུལ་དེ་རང་གི་ཤིང་རིགས་རིགས་གཅིག་མཁས་ཅན་དབྱང་ཏེ་ཁང་གིས།“དཀའ་ངལ་ནི་གོམ་པ་དང་པོ་ནས་ཐོན་གྱི་ཡོད་”ཅེས་ཟེར། ཤུག་པ་སྡོང་ཆེན་དང་དྲི་ཞིམ་ཤུག་པ་དེ་དག་ལྷན་སྐྱེས་ཀྱི་སྐྱེ་འཚར་དལ་བ་དང་། རྩ་བ་ཚུགས་དཀའ་བ། སྲོལ་རྒྱུན་གྱི་ལྕུག་འཛུགས་གསོན་ཚད་20%ཡང་ཟིན་གྱི་མེད། དཀའ་གནད་ལས་སྒྲོལ་ཆེད། བོད་རང་སྐྱོང་ལྗོངས་ནགས་ཚལ་ཚན་རིག་ཁང་གི་ཚོགས་པས་མཐོ་སློབ་དང་མཉམ་འབྲེལ་ཐོག་ཚོད་ལྟ་ཡང་ཡང་བྱས་པ་དང་། གཞི་རྩ་ལེགས་སུ་གཏོང་བ་དང་རླངས་འགྱུར་བརླན་སྲུང་སོགས་ཀྱི་ལག་རྩལ་བྱ་ཐབས་སྤྱད་དེ་ཤིང་རིགས་དེ་དག་བཟང་འགྱུར་བྱུང་ནས་སྐྱེ་འཕེལ་གྱི་འགག་རྩའི་ལྷུ་ཚིགས་སྒྲོལ་ཐུབ་པ་རེད།

    ལག་རྩལ་ཚད་བརྒལ་བྱུང་རྗེས་“བརྟུལ་བའི་”རིམ་པ་ནན་ཤོས་བརྒྱུད་དགོས་པ་རེད། དབྱང་ཏེ་ཁང་གིས། “ཚོད་ལྟ་ཁང་ནས་དྲོད་ཁང་དུ་ཤིང་སོན་གསོ་བ་དང་། དེ་ནས་གྲིབ་བསིལ་སྤྱིལ་ཁང་དུ་ཤིང་སོན་བཅོས་པ། མཐར་མཐོངས་ཡངས་ཀྱི་ཞིང་ཁར་སྤོས་ནས་ཤིང་སོན་འཚམ་པོ་ཡོང་བར་བྱེད་དགོས་”ཞེས་གསལ་འགྲེལ་གནང་བྱུང་། དབྱང་ཏེ་ཁང་གིས། “རྒྱུད་རིམ་ཆ་ཚང་དེ་བརྒྱུད་རྗེས་གཞི་ནས་ཤིང་སོན་རི་ཐོག་ཏུ་འདེབས་པའི་ཐོབ་ཐང་ཡོད། ཤིང་སོན་ཁག་གཅིག་ལོ་ལྔ་དྲུག་ཙམ་གསོ་སྐྱོང་བྱས་ཚེ་གཞི་ནས་ཚད་གཞི་ལོན་ཐུབ་པས། བྲེལ་འཚུབ་བྱེད་མི་རུང་།

    ངང་རྒྱུད་རིང་པོ་དེ་འདྲར་བརྟེན་ནས་ནགས་ཚན་ཁང་གིས་ཤིང་རིགས་གསོན་ཚད་མངོན་གསལ་དོད་པོར་ཆེ་རུ་ཕྱིན་པ་མ་ཟད། ཉམས་མྱོང་དེ་ཚད་གཞིར་བསྒྱུར་ཡོད། ཉེ་བའི་ལོ་ཤས་རིང་《ཤུག་པ་ཆེན་པོའི་མྱུག་གསོའི་ལག་རྩལ་སྒྲིག་སྲོལ་》སོགས་ས་གནས་ཀྱི་ཚད་གཞི་ཁག་5གཅིག་རྗེས་གཉིས་མཐུད་ངང་བཟོས་ནས་མཐོ་གྲང་ས་ཁུལ་གྱི་སྣོད་བཅུད་སླར་གསོ་བྱ་རྒྱུར་འདྲ་བཟོ་བྱེད་ཐུབ་པའི་“ལག་རྩལ་གྱི་མ་དཔེ་”མཁོ་འདོན་བྱས་ཡོད།

     ལག་རྩལ་དོན་འཁྱོལ་བྱུང་བ་དང་བསྟུན་ནས་ལྗང་མདོག་གི་མངའ་ཁོངས་སྣུར་སྲིང་བྱེད་འགོ་ཚུགས། ད་ཆ་སེ་རྒོད་དང་རྒྱལ་རྩེའི་གླ་ཚེར་སོགས་ཤིང་སོན་སྤུས་ལེགས་ཁག་གཅིག་དེ་ནས་ཐོན་ཏེ་ལྷ་ས་དང་ཡར་ཀླུང་གཙང་པོའི་དབུས་རྒྱུད་ཀྱི་ལུང་གཞུང་སོགས་ཀྱི་སྣོད་བཅུད་སླར་གསོ་བྱ་ཡུལ་དུ་དབོར་བཞིན་ཡོད་པ་རེད།

    ལྗང་མདོག་སྣུར་སྲིང་བྱེད་ས་ནི་དམངས་འཚོ་ལེགས་བཅོས་བྱེད་ས་ཞིག་ཀྱང་ཡིན། གསང་མདའ་གྲོང་ཚོའི་གྲོང་མི་བསྟན་འཛིན་དབང་མོ་རྟེན་གཞིར་ལས་ཀ་བྱས་ནས་ལོ་20ཙམ་སོང་ཞིང་། དང་ཐོག་ཤིང་སོན་སྣ་ཁ་དབྱེ་བ་འབྱེད་མི་ཐུབ་པ་ནས་ད་ཆ་ཤིང་སོན་གསོ་བའི་ལག་རྩལ་སྐོར་གླེང་སྐབས་གནད་འཁེལ་བརྗོད་ཐུབ་པས། “ནགས་ལས་རིགས་གཅིག་མཁས་ཅན་”ཕྱེད་ཙམ་དུ་གྱུར་ཡོད། ཁོ་མོས། “གྲོང་ཚོའི་ནང་གི་མི་མང་པོ་ཞིག་གིས་ལྷོ་བྱང་རི་བོའི་སྔོ་འགྱུར་རྣམ་གྲངས་ཐོག་ལས་ཀ་བྱེད་ཀྱི་ཡོད་པས་ཁྱིམ་གྱི་སྒོ་རྩར་ལས་ཞུགས་ཐུབ་པ་མ་ཟད། ད་དུང་ཕ་ཡུལ་སྔོ་ལྗང་ཅན་དུ་འགྱུར་ཚུལ་མཐོང་སྐབས་དགའ་ཚོར་ཆེན་པོ་འདུག་”ཅེས་ཟེར།

    རི་རྒོད་ནས་སྔོ་ཐིང་དུ་གྱུར་པའི་ཚན་རྩལ་གྱིས་ས་མཐོའི་ཤིང་སྡོང་ས་མཐོའི་རེ་བར་གྱུར་ཡོད། བོད་རང་སྐྱོང་ལྗོངས་ནགས་ལས་ཚན་རིག་ཁང་གི་ལག་རྩལ་མི་སྣ་བསྟན་འཛིན་ནོར་བུས་ལག་ཐོགས་ཁ་པར་ནང་གི་གཤིབ་བསྡུར་འདྲ་པར་ཞིག་བཏོན་ནས་“ཁྱེད་ཀྱིས་གཟིགས་དང་། འདི་ནི་སྔོན་ཆད་སྣེའུ་ཕུག་ལམ་མཐའ་འཁོར་གྱི་རྣམ་པ་རེད། ད་ཆ་ཤིང་སྡོང་ང་ལས་རིང་བ་ཡོད། གྲོགས་པོ་ཚང་མས་ལས་ཀ་འདི་དོན་སྙིང་ལྡན་པ་ཞིག་རེད། བུ་རབས་ཚ་རྒྱུད་ལ་བདེ་སྐྱིད་བསྐྲུན་པའི་ལས་ཀ་རེད་ཅེས་བརྗོད་ཀྱི་འདུག་”ཟེར།

    ལྗང་མདོག་སྲུང་སྐྱོང་བྱེད་ཆེད། བོད་རང་སྐྱོང་ལྗོངས་ནགས་ཚན་ཁང་གིས་བོད་ཀྱི་མཐོ་གྲང་ས་ཁུལ་གྱི་ཡུལ་དེ་རང་གི་ཤིང་རིགས་དང་ཤིང་སོན་གསོ་བའི་ཐོན་ཁུངས་སུ་བསྒྱུར་ཡོད། ཝང་ཡུས་ཐིང་གིས། “ད་ཆ་ཕ་ཡུལ་གྱི་རྩ་ཆེ་ལ་སྟོངས་ཉེར་ཡོད་པའི་ནགས་ཤིང་གི་སོན་རྒྱུ་བརྒྱ་ལྷག་ཙམ་བསྡུ་རུབ་དང་ཉར་ཚགས་བྱས་ཡོད་”ཅེས་ཟེར་བ་དང་། སོན་རྒྱུ་ཚང་མར་གློག་རྡུལ་ཡིག་ཚགས་བཟོས་འདུག ཚན་རིག་དང་མཐུན་པའི་ནགས་བཟོའི་ལག་རྩལ་གྱི་ཡིག་ཚགས་དེ་དག་བརྒྱུད་སྔོ་འགྱུར་གྱི་འཐབ་ཕྱོགས་དང་པོར་སྐྱེལ་བས་གཞི་རིམ་ལས་དོན་པས་སློབ་སྦྱོང་དང་བེད་སྤྱོད་བྱ་རྒྱུར་སྟབས་བདེ་བསྐྲུན་ཡོད།

    དབྱང་ཏེ་ཁང་གིས། “འདི་ལོར་ང་ཚོས་ལྷོ་བྱང་རི་བོའི་ཤིང་རིགས་ལ་འགུལ་རྣམ་ཚུལ་གྱི་ལྟ་ཞིབ་ཚད་ལེན་བྱས་ནས་ཉམས་ཞན་གྱི་རྐྱེན་རྩར་ཞིབ་འཇུག་བྱས་ཏེ་གོམ་སྟབས་རྗེས་མའི་གསར་བརྗེས་ལས་དོན་ཐད་གྲ་སྒྲིག་བྱས་ཡོད་”ཅེས་ཟེར།

    ཚ་བ་ཆེ་བའི་ཉི་འོག་གསང་མདའ་གྲོང་ཚོའི་གྲོང་མི་ཚོས་ས་ཞིང་ཁོད་སྙོམས་དང་སྐྱེལ་འདྲེན་ལ་བྲེལ་བཞིན་ཡོད་པ་དང་། ཚན་ཞིབ་མི་སྣས་དེའི་རིང་ཕར་འགྲོ་ཚུར་འོང་བྱས་ནས་ “མཐོ་སྒང་དུ་འབྱོར་བའི་སྡོང་པོ་”འདེབས་འཛུགས་ཀྱི་མཛུབ་ཁྲིད་སྔར་བཞིན་བྱེད་བཞིན་ཡོད་པ་མ་ཟད། ཁོང་ཚོས་ཚེ་སྲོག་དང་བརྟན་སྲུང་སྐོར་གྱི་ལྗང་མདོག་གི་ལེའུ་ཡང་རྩོམ་བཞིན་ཡོད།