མི་དམངས་དྲ་བ།

༄༅།།2025ལོར་བོད་ལྗོངས་ཀྱི་འབྲུ་རིགས་ཐོན་ཚད་སླར་ཡང་མཐོ་རུ་ཕྱིན་པ།

གསར་འགྱུར་སྤེལ་དུས། 　【2025ལོའི་ཟླ་ 12ཚེས་17ཉིན། 13:33】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། མཁའ་འགྲོ།）

འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། 2025ལོར་བོད་ལྗོངས་ཀྱི་འབྲུ་རིགས་ཐོན་ཚད་མུ་མཐུད་མཐོ་རུ་ཕྱིན་ཞིང་། སྤྱིའི་ཐོན་ཚད་ཏུན་ཁྲི་115ཟིན་པ་དེ་2024ལོ་དང་བསྡུར་ན་ཏུན་ཁྲི་2.05འཕར་ནས་སླར་ཡང་ལོ་རྒྱུས་ཀྱི་ཟིན་ཐོ་གསར་པ་བཏོད་ཡོད། དེ་ནི་2015ལོར་བོད་ལྗོངས་ཀྱི་འབྲུ་རིགས་ཐོན་ཚད་ལོ་རྒྱུས་རང་བཞིན་གྱི་ཏུན་ཁྲི་100ལས་བརྒལ་བ་ནས་བཟུང་། བསྟུད་མར་ལོ་བཅུ་གཅིག་ལ་ཏུན་ཁྲི་100ཡན་བརྟན་འཁྱོངས་ཐུབ་པ་དང་། དེ་ལས་བོད་ཀྱི་ཞིང་ལས་འཕེལ་རྒྱས་ཀྱི་རྨང་གཞི་བརྟན་པོ་དང་མི་མངོན་པའི་སྟོབས་ཤུགས་ཆེན་པོ་གང་ལེགས་མངོན་གྱི་ཡོད།

བསྡོམས་རྩིས་བརྒྱབ་པར་གཞིགས་ན། ད་ལོ་བོད་ལྗོངས་ཡོངས་སུ་འབྲུ་རིགས་འདེབས་ཁྱོན་མུའུ་ཁྲི་302.4ཟིན་པ་དེ་2024ལོ་ལས་མུའུ་ཁྲི་3.3མང་དུ་ཕྱིན་ནས་ཐོན་ཚད་མཐོ་རུ་གཏོང་བར་ས་ཁྱོན་གྱི་འགན་ལེན་གང་ལེགས་བྱུང་ཡོད།