༄༅།།ཇོ་མོ་གླང་མའི་འདབས་ཀྱི་ཁོ་ཚོ་དྲོ་སྐྱིད་ལྡན་པའི་ཁྱིམ་ལ་སྤོས། 

     དགུན་ཁ་སླེབས་དུས། ཇོ་མོ་གླང་མའི་འདབས་སུ་གནས་པའི་བོད་ལྗོངས་དིང་རི་རྫོང་ས་ཡོམ་གེགས་ཁུལ་དུ་བསྐྱར་སྐྲུན་བྱས་པའི་ཁྱིམ་དུད་ཁྲི་2.2ལྷག་ཙམ་གྱི་སྡོད་ཁང་ཉམས་གསོ་དང་བརྟན་བཟོ་བྱས་པའི་ཁྱིམ་དུད་ཁྲི་1.05ལྷག་ཙམ་ཚང་མ་བེད་སྤྱོད་བྱ་རྒྱུར་རྩིས་སྤྲོད་བྱས་པ་དང་། མང་ཚོགས་གཅིག་རྗེས་གཉིས་མཐུད་དུ་སྡོད་ཁང་གསར་པར་སྤོས་ཡོད།

     ད་ལོའི་ཟླ་1ཚེས་7ཉིན། བོད་ལྗོངས་གཞིས་རྩེ་གྲོང་ཁྱེར་དིང་རི་རྫོང་དུ་ས་ཡོམ་རིམ་པ་6.8བྱུང་ནས། ཁང་པ་མང་པོ་བརྡིབས་ཡོད། ས་ཡོམ་བརྒྱབ་པའི་ཉིན་གསུམ་པར་བོད་ལྗོངས་ཀྱིས་གནོད་འཚེ་ཕོག་རྗེས་སླར་གསོ་བསྐྱར་སྐྲུན་གྱི་སྤྱིའི་ཇུས་གཞི་བཟོ་འགོད་བྱེད་འགོ་བཙུགས་ནས། མི་དམངས་ཀྱི་ཁང་པ་ཇུས་འགོད་དང་། ཐིག་ལེན། བཤིག་རོ་གཙང་སེལ་སོགས་སྔོན་གྱི་ལས་དོན་སྤེལ་བ་དང་། ཟླ་3པའི་ཟླ་འགོར་འཛུགས་སྐྲུན་བྱེད་འགོ་ཚུགས། ཟླ་6པའི་ཟླ་འགོར་ཁྱོན་ཡོངས་ནས་ལས་འགོ་བརྩམས་པ་རེད། ཟླ་10པའི་ཟླ་མཇུག་ཏུ་གནོད་འཚེ་ཕོག་པའི་མང་ཚོགས་ལ་བསྐྱར་སྐྲུན་དང་ཉམས་གསོ་བརྟན་བཟོའི་ཁང་པ་གསར་པ་བསྐྲུན་པ་དང་འབྲེལ་རྩིས་སྤྲོད་བྱས་པ་རེད།