༄༅།།ཕྱི་འབྲེལ་པུས་ལྗར་པན་ཕྱོགས་ལ་ངེས་པར་དུ་འཕྲལ་མར་ཡོ་བསྲང་བྱས་ནས་གཏམ་བརྗོད་ངན་པ་མི་བརྫོད་པ་ཁས་ལེན་དགོས།
དེ་ལྟར་མ་བྱས་ཚེ་མཇུག་འབྲས་ཡོད་ཚད་ངེས་པར་དུ་ལྗར་པན་ཕྱོགས་ཀྱིས་འགན་འཁུར་དགོས་ཞེས་བརྫོད།

     ཟླ་11ཚེས་13ཉིན་ཕྱི་འབྲེལ་པུའི་མགྲིན་ཚབ་པ་ལིན་ཅན་གྱིས་འཆར་ཅན་གྱི་གསར་འགོད་པའི་ཚོགས་འདུའི་ཐོག་ལྗར་པན་གྱི་དབུ་བཞུགས་བློན་ཆེན་ཀའོ་ཧྲི་ཙའོ་མའོ་ཡིས་ཉིན་ཤས་གོང་རྒྱལ་ཚོགས་སུ་ཐའེ་ཝན་དང་འབྲེལ་བ་ཡོད་པའི་འཁྲུག་སློང་གི་གཏམ་བརྗོད་མངོན་གསལ་དོད་པོར་བཤད་དེ། ཐའེ་ཝན་མཚོ་འགག་ནང་དྲག་ཤུགས་ལ་བརྟེན་ནས་ཐེ་གཏོགས་བྱེད་སྲིད་པའི་ལྐོག་བརྡ་བཏང་བ་རེད། ཀྲུང་གོ་ཕྱོགས་ཀྱིས་འབྲེལ་གཏུག་གཟབ་ནན་དང་རྒོལ་གཏམ་དྲག་པོར་བཏང་རྗེས། སྔར་བཞིན་རྨོངས་གཉིད་མི་སད་པ་དང་ཕྱིར་འཐེན་མ་བྱས། གོང་གསལ་གྱི་ནོར་འཁྲུལ་གཏམ་བཤད་ནི་ཀྲུང་གོ་གཅིག་གི་རྩ་དོན་དང་རྒྱབ་འགལ་ཚབས་ཆེན་བྱས་པ་དང་། ཀྲུང་གོ་དང་ལྗར་པན་གྱི་ཆབ་སྲིད་ཡིག་ཆ་བཞིའི་དགོངས་དོན་དང་རྒྱལ་སྤྱིའི་འབྲེལ་བའི་གཞི་རྩའི་ཚད་གཞི་དང་རྒྱབ་འགལ་ཚབས་ཆེན་བྱས་པ། ཀྲུང་གོའི་ནང་སྲིད་ལ་རྩུབ་སྤྱོད་ངང་ཐེ་གཏོགས་དང་། ཀྲུང་གོ་ཕྱོགས་ཀྱི་ཁེ་ཕན་ལྟེ་བར་འགྲན་སློང་། ཀྲུང་གོའི་བདག་དབང་ལ་བཙན་གནོད་བཅས་བྱས་པས། ཀྲུང་གོ་ཕྱོགས་ཀྱིས་དེའི་ཐད་ངོ་རྒོལ་མཐའ་གཅིག་ཏུ་བྱེད་པ་དང་བཟོད་སྒོམ་གཏན་ནས་མི་བྱེད་པས། ལྗར་པན་ཕྱོགས་ཀྱིས་ངེས་པར་དུ་འཕྲལ་མར་ཡོ་བསྲང་དང་གཏམ་བཤད་ངན་པ་མི་བརྫོད་པ་ཁས་ལེན་དགོས། དེ་ལྟར་མ་བྱས་ཚེ་མཇུག་འབྲས་ཡོད་ཚད་ངེས་པར་དུ་ལྗར་པན་ཕྱོགས་ཀྱིས་འགན་འཁུར་དགོས་ཞེས་བཤད་པ་རེད།