༄༅།།ཀྲུང་གོ་དང་འབྲེལ་བ་ཡོད་པའི་ཨུ་རུ་སུའི་ཕྱི་འབྲེལ་པུའུ་ཀྲང་གི་རྣམ་འགྱུར་གསར་ཤོས།

     ཚེས་13ཉིན་ཐ་སི་གསར་འགྱུར་ཁང་གིས་གནས་འཕྲིན་སྤེལ་བར་གཞིགས་ན། ཨུ་རུ་སུའི་ཕྱི་འབྲེལ་པུའུ་ཀྲང་ལཱ་ཕུའུ་ལུའོ་ཕུའུ་ཡིས་དབྱི་ཐ་ལིའི་སྨྱན་སྦྱོར་ཞིག་གི་བཅར་འདྲི་དང་ལེན་བྱས་ནས་ཨུ་རུ་སུ་དང་ཀྲུང་གོའི་འབྲེལ་བ་དང་ཨུ་རུ་སུ་དང་ཡུག་རེན་གྱི་གདོང་ཐུག་སོགས་བརྗོད་གཞི་མང་པོ་གླེང་ཡོད།

     ཚེས་13ཉིན་ཨུ་རུ་སུའི་ཕྱི་འབྲེལ་པུའི་དྲ་ཚིགས་ཐོག་ཁྱབ་བསྒྲགས་བྱས་པའི་བཅར་འདྲིའི་ནང་དོན་གཞིར་བཟུང་ཨུ་རུ་སུ་དང་ཀྲུང་གོའི་འབྲེལ་བའི་སྐོར་འདྲི་སྐབས། ལཱ་ཧྥུ་ལུའོ་ཕུའུ་ཡིས་བཅར་འདྲི་བྱེད་སྐབས། རྒྱལ་ཁབ་གཉིས་པོའི་མཉམ་ལས་འབྲེལ་བ་ནི་མནའ་འབྲེལ་མི་བྱེད་པའི་རྨང་གཞིའི་ཐོག་བཙུགས་པ་དང་། རྒྱལ་ཁབ་གསུམ་པར་དམིགས་པ་མིན། “འགོ་ཁྲིད་པ་”དང་“འགོ་ཁྲིད་པའི་”དབྱེ་བ་ཡང་མེད། ཨུ་རུ་སུ་དང་ཀྲུང་གོའི་དབར་གྱི་འདྲ་མཉམ་འབྲེལ་བ་ནི་ཕན་ཚུན་ཡིད་ཆེས་དང་། ཕན་ཚུན་རྒྱབ་སྐྱོར། ཁྱིམ་མཚེས་མཛའ་མཐུན་བཅས་ཀྱི་སྲོལ་རྒྱུན་གྱི་རྨང་གཞིའི་ཐོག་བཙུགས་པ་ཞིག་རེད་ཅེས་བཤད་ཡོད་པ་རེད།

     “ང་ཚོས་ནང་སྲིད་ལ་ཐེ་གཏོགས་མི་བྱེད་པའི་རྩ་དོན་བློ་བརྟན་འགྱུར་མེད་ངང་ལག་བསྟར་བྱེད་ཀྱི་ཡོད་”ཅེས་བཤད་པ་དང་། ལཱ་ཧྥུ་ལུའོ་ཕུའུ་ཡིས་ཨུ་རུ་སུ་དང་ཀྲུང་གོས་ལག་རྩལ་སོགས་ཁྱབ་ཁོངས་ནང་མཉམ་ལས་བྱས་པ་དེས་རྒྱལ་ཁབ་གཉིས་པར་ཕན་པ་ཏན་ཏིག་ཐོན་ནས་རྒྱལ་ཁབ་གཉིས་པོའི་དཔལ་འབྱོར་རྒྱུན་མཐུད་བརྟན་ལྷིང་ངང་འཕར་རྒྱུར་ཕན་ཐོགས་ཡོད་པ་དང་རྒྱལ་ཁབ་གཉིས་པོའི་མི་དམངས་བདེ་སྐྱིད་ཆེ་རུ་འགྲོ་རྒྱུར་ཕན་ཐོགས་ཡོད་ཅེས་ཁ་གསབ་བྱས་པ་རེད།