༄༅།།ཨ་རིར་བསྐྱོད་མཁན་ལ་བདེ་འཇགས་ཀྱི་ཉེན་ཁར་གཟབ་དགོས་པའི་དྲན་སྐུལ་བྱས། 

     ཉེ་ཆར། ཨ་རིའི་མཐའ་མཚམས་དང་གནས་སྤོས་ཡུལ་མི་སོགས་ཁྲིམས་འཛིན་སྡེ་ཚན་གྱིས་རྒྱལ་མཚམས་ནས་འགྲོ་འོང་བྱེད་པའི་འགག་སྒོ་ནས་ཀྲུང་གོའི་ཕྱི་རྒྱལ་དུ་སློབ་སྦྱོང་བྱེད་མཁན་སློབ་མ་དང་མཁས་དབང་སོགས་ལ་དུས་ཡུན་རིང་པོ་ཞིབ་བཤེར་དང་། ཪྙོག་ཟིང་བཟོ་བ་དང་ཕྱིར་སློག་ཀྱང་ཐེངས་མང་བྱས་པ་རེད། ཨ་རི་ཕྱོགས་ཀྱི་བྱ་སྤྱོད་ཀྱིས་ཀྲུང་གོའི་སློབ་མ་དང་མཁས་དབང་གི་བདེ་འཇགས་དང་ཁྲིམས་མཐུན་ཁེ་དབང་ལ་གནོད་འཚེ་ཚབས་ཆེན་བཏང་བ་དང་། ཀྲུང་གོ་དང་ཨ་རིའི་རྒྱུན་ལྡན་མི་སྣའི་འགྲོ་འོང་དང་སློབ་གསོ་དང་རིག་གཞུང་སྤེལ་རེས་ལ་ཤུགས་རྐྱེན་ཐེབས་པས། ཀྲུང་གོ་ཕྱོགས་ཀྱིས་དེའི་ཐད་ངོ་རྒོལ་མཐའ་གཅིག་ཏུ་བྱས་པ་དང་འཕྲལ་མར་འབྲེལ་གཏུག་ཀྱང་ནན་གྱིས་བྱས་པ་རེད།

     ཕྱི་འབྲེལ་པུའུ་དང་ཨ་རིར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་གིས་ཨ་རིར་འགྲོ་རྩིས་ཡོད་པ་དང་། ཨ་རིར་བཅའ་སྡོད་ཀྲུང་གོའི་སློབ་མ་དང་མཁས་དབང་རྣམས་ལ་ཉམས་ཉེན་སྔོན་འགོག་གི་འདུ་ཤེས་ཆེ་རུ་གཏོང་བ་དང་། ཨ་རིའི་རྒྱལ་མཚམས་སུ་འཛུལ་བའི་གཏན་འབེབས་ཤེས་རྟོགས་ཞིབ་ཕྲ་བྱས་ནས། ཨ་རིའི་རྒྱལ་མཚམས་ནས་འགྲོ་འོང་བྱེད་སྐབས་སྔོན་ལ་གྲ་སྒྲིག་ཁག་ཡག་པོར་བྱེད་དགོས་པའི་དྲན་སྐུལ་བྱས་པ་རེད། ཨ་རིའི་མཐའ་མཚམས་ཀྱི་ཁྲིམས་འཛིན་མི་སྣས་ཞིབ་བཤེར་བྱས་ཚེ་ཁྲིམས་མཐུན་སྒོ་ནས་ལྟ་སྟངས་འཛིན་པ་དང་ཁ་གཏད་འོས་འཚམ་གཅོག་དགོས། རང་ཉིད་ཀྱི་ཁྲིམས་མཐུན་ཁེ་དབང་ལ་གནོད་འཚེ་ཕོག་ཚེ། དུས་ཐོག་ཏུ་ཨ་རིར་བཅའ་སྡོད་གཞུང་ཚབ་ཆེ་མོ་ཁང་དང་གཞུང་ཚབ་ཁང་ལ་འབྲེལ་གཏུག་བྱས་ནས་རོགས་སྐྱོར་ཡོང་རེ་ཞུ་དགོས་པ་མ་ཟད། གང་མགྱོགས་སློབ་གྲྭ་དང་མཉམ་ལས་ཕྱོགས་ལ་སྙན་སེང་ཞུ་དགོས། ཨ་རིར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་དང་གཞུང་ཚབ་ཁང་གིས་ནུས་ཤུགས་ཡོད་རྒུས་གཞུང་ཚབ་སྲུང་སྐྱོང་དང་གཞོགས་འདེགས་བྱ་རྒྱུ་ཡིན།

ཕྱི་འབྲེལ་པུའི་གོ་ལ་ཧྲིལ་པོའི་གཞུང་ཚབ་སྲུང་སྐྱོང་དང་ཞབས་ཞུའི་འཕྲལ་སྡོམ་ཐད་སྦྲེལ་ཁ་པར་(ཆུ་ཚོད་24ཡིན།)

+86-10-12308

+86-10-65612308

ཨ་རིར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་དང་གཞུང་ཚབ་ཁང་གི་གཞུང་ཚབ་སྲུང་སྐྱོང་དང་གཞོགས་འདེགས་ཁ་པར་ནི།

+1-312-7800170

ཨ་རིར་བཅའ་སྡོད་གཞུང་ཚབ་ཆེ་མོ་ཁང་།

+1-202-4952216

ཉིའུ་ཡོག་ཏུ་བཅའ་སྡོད་སྤྱི་ཁྱབ་གཞུང་ཚབ་ཁང་།

+1-212-6953125

ཅིའུ་ཅིན་ཧྲན་དུ་བཅའ་སྡོད་སྤྱི་ཁྱབ་གཞུང་ཚབ་ཁང་།

+1-415-9296998

ལུའོ་ཧྲན་ཅི་རུ་བཅའ་སྡོད་སྤྱི་ཁྱབ་གཞུང་ཚབ་ཁང་།

+1-213-8078052

ཀྲི་ཅ་ཀོ་རུ་བཅའ་སྡོད་སྤྱི་ཁྱབ་གཞུང་ཚབ་ཁང་།

+1-312-7800170