༄༅།།ཟླ་བ་བདུན་པར་གྲོང་ཁྱེར་གྱི་མཁའ་རླུང་གི་ཆ་སྙོམས་སྤུས་ཚད་ལེགས་པའི་ཉིན་གྲངས་ཀྱི་བསྡུར་ཚད་93.0%ཟིན་པ།

     འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། ཉིན་ཤས་གོང་སྐྱེ་ཁམས་ཁོར་ཡུག་པུས་ད་ལོའི་ཟླ་བ་7པའི་རྒྱལ་ཡོངས་ཀྱི་ཁོར་ཡུག་གི་མཁའ་རླུང་སྤུས་ཚད་གནས་ཚུལ་ཁྱབ་བསྒྲགས་བྱས་པ་སྟེ། རྒྱལ་ཡོངས་ཀྱི་ས་ཁུལ་རིམ་པ་དང་དེ་བཞིན་དེ་ཡན་གྱི་གྲོང་ཁྱེར་339ཡི་PM2.5ཆ་སྙོམས་གར་ཚད་སྨི་རྒྱ་དཔངས་གྲུ་བཞི་རེར་ཝུའེ་ཁེ་14.5ཟིན་པ་དེ་དུས་མཚུངས་ལས་8.2%ཆག་པ་དང་། PM10ཡི་ཆ་སྙོམས་གར་ཚད་སྨི་རྒྱ་དཔངས་གྲུ་བཞི་རེར་ཝུའེ་ཁེ་28ཟིན་པ་དེ་དུས་མཚུངས་ལས་3.4%ཆག་པ། མཁའ་རླུང་གི་ཆ་སྙོམས་སྤུས་ཚད་ལེགས་པའི་ཉིན་གྲངས་ཀྱི་བསྡུར་ཚད་93.0%ཟིན་པ་དེ་དུས་མཚུངས་ལས་བརྒྱ་ཆའི་གྲངས་1.0འཕར་བ། ཆ་སྙོམས་སྦགས་བཙོག་ཚབས་ཆེ་བ་དང་དེ་བཞིན་དེ་ཡན་གྱི་སྦགས་བཙོག་སྟོན་པའི་ཉིན་གྲངས་ཀྱི་བསྡུར་ཚད་0.2%ཟིན་པ་དེ་དུས་མཚུངས་ལས་བརྒྱ་ཆའི་གྲངས་0.1ཆག་ཡོད་པ་རེད།