མི་དམངས་དྲ་བ།

འོད་སྟོང་འཕྲོ་བའི་ལོ་ངོ་60 ཡིད་དབང་འཕྲོག་པའི་བོད་ལྗོངས་གསར་པ།

༄༅།།རྒྱལ་རྩེའི་ས་གདན་གྱིས་དྲང་སྲུང་གསར་གཏོད་ཁྲོད་གྲོང་གསེབ་དར་རྒྱས་ཡོང་བར་སྐུལ་འདེད་གཏོང་བ།

གསར་འགྱུར་སྤེལ་དུས། 　【2025ལོའི་ཟླ་ 07ཚེས་28ཉིན། 13:30】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། མཁའ་འགྲོ།）

བོད་ལྗོངས་གཞིས་རྩེ་གྲོང་ཁྱེར་རྒྱལ་རྩེ་རྫོང་ནི་སྐད་གྲགས་ཆོད་པའི་ས་གདན་（“ཁ་གདན་ཡང་”ཟེར་）ཐོན་ཡུལ་ཡིན་ལ། གདན་འཐག་གི་ལོ་རྒྱུས་རིང་པོ་ཡོད། བོད་ཀྱི་ས་གདན་འཐག་རྩལ་དེ་2006ལོར་རྒྱལ་ཁབ་རིམ་པའི་དངོས་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྣམ་གྲངས་མིང་ཐོའི་ནང་བཅུག་ཡོད། རྒྱལ་རྩེའི་ས་གདན་དང་ཐུར་ཁེའི་ས་གདན། པར་སིག་གི་ས་གདན་བཅས་ལ་འཛམ་གླིང་གི་ས་གདན་གྲགས་ཅན་གསུམ་ཞེས་བརྗོད་ཀྱི་ཡོད།

ཉེ་བའི་ལོ་ཤས་རིང་། རྒྱལ་རྩེའི་གདན་འཐག་རྩལ་ཁྲོད། མི་རབས་ནས་མི་རབས་བར་རྒྱུན་འཛིན་བྱེད་པའི་“རྩ་བ་”ནི་རྒྱུ་སྤུན་བཞིན་དུ་གཅིག་ལ་གཅིག་སྦྲེལ་བ་མ་ཟད། ཨང་རིས་ཀྱི་དབྱིབས་བརྒྱན་གྱི་ཐོན་སྐྱེད་བཟོ་རྩལ་ཆེ་རུ་གཏོང་བའི་ཐད་ལའང་གསར་གཏོད་བྱས་ནས་རི་མོར་དབྱིབས་གཟུགས་གཉིས་ལྡན་གྱི་3Dཡི་ནུས་པ་ཐོན་ཡོད། ས་གནས་དེ་གའི་ས་གདན་ཀུང་སིས་མཉམ་ལས་ཁང་བཙུགས་པ་དང་རྩལ་ནུས་གསོ་སྦྱོང་འཛིན་གྲྭ་གཉེར་བ་སོགས་ཀྱི་བྱ་ཐབས་བརྒྱུད་སྟབས་བསྟུན་ལས་ཀར་ཞུགས་ཁྱོན་རྒྱ་ཆེར་བཏང་ནས་མི་དེ་བས་མང་པོའི་སྒོ་འགྲམ་དུ་ས་གདན་བཏགས་ཏེ་ཡོང་འབབ་མང་དུ་བཏང་ནས་གྲོང་གསེབ་དར་རྒྱས་ཡོང་བར་སྐུལ་འདེད་གཏོང་བཞིན་ཡོད།